ముందు సర్పంచులకు ఇవ్వండి? కేసిఆర్

Posted: 07/03/2014 09:56 AM IST

తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖరరావు తీసుకున్న కొత్త కొత్త నిర్ణయాలతో అధికారులు పరుగులు తీస్తున్నారు. కొత్త ప్రభుత్వం, కొత్త రాష్ట్రం, కొత్త పరిపాలనతో.. ప్రభుత్వ అధికారులకు చెమట్లు పడుతున్నాయి. ఉమ్మడిగా ఉన్నప్పుడు కూడా ఇలాంటి పరుగులు తీయలేదని ..ప్రభుత్వ అధికారులు వాపోతున్నారు. ఇది తెలంగాణ రాష్ట్ర అభివృద్ది కోసం అందరు కష్టపడాలని కేసిఆర్ సర్కార్ చెబుతుంది.

దీంతో క్రింద స్థాయి అధికారి నుండి ఉన్నతస్థాయి అధికారివరకు అందరి కృషి ఉంటుందని టీ ముఖ్యమంత్రి కేసీఅర్ భావిస్తున్నారు. అంతేకాకుండా గ్రామాలలో ఉండే సర్పంచులు కూడా శిక్షణ పొందితే తమ గ్రామ అభివృద్ధి సరైన మార్గంలో ఉంటుందని అయన అభిప్రాయపడుతున్నారు. హైదరాబాద్ లోని మర్రిచెన్నారెడ్డి మానవ వనరులు విభాగం కార్యాలయాన్ని కేసీఆర్ సందర్శించి పలు విభాగాలను పర్శీలించారు.

రాష్ట్రంలోని సర్పంచ్‌ల నుండి ఐఏఎస్‌ హోదా ఉండేఉద్యోగుల వరకు అందరికీ మర్రి చెన్నారెడ్డి మావనవనరుల విభాగంలోనే శిక్షణ ఇప్పిస్తామని కేసీఅర్ పేర్కొన్నారు. భూసేకరపై కూడా దృష్టి పెట్టామని, దీనికోసం ఐదుగురితో మంత్రివర్గ ఉపసంఘ ఏర్పాటు చేస్తామని కేసీఆర్ తెలిపారు. అంటే ఇప్పటికే కేసిఆర్ ఎన్నికల సమయంలో తాండాలను కూడా పంచాయితీలు చేస్తానని కేసిఆర్ చెప్పటం జరిగింది.

అంతేకాకుండా.. చాలా మంది సర్పంచులకు రాజకీయ పాఠాలు తెలియవు కాబట్టి, వారికి రాజకీయ పాఠాలు చెప్పటానికి .. కేసిఆర్ సర్కార్ సిద్దమవుతుంది. ఇక చదువుకొని సర్పంచులు.. రాత్రి పూట బడికి వెళ్లి ..నాలుగు అక్షరాలు నేర్చుకోండి? లేకపోతే.. కేసిఆర్ ఆగ్రహానికి బలికావాల్సి వస్తుందని రాజకీయ పార్టీలు..సర్పంచులకు లేఖలు రాసినట్లు తెలుస్తుంది. ఏమైన కేసిఆర్ నిర్ణయం చాలా బాగుందని తెలంగాణ ప్రజలు అంటున్నారు.