మెట్రో రైలును అనుమతించేది లేదు? కేసిఆర్

Posted: 07/02/2014 10:50 AM IST

తెలంగాణ ముఖ్యమంత్రి కల్వకుంట్ల చంద్రశేఖరరావు వడి వడిగా అడుగులు వేస్తున్నారు. ఆయన టార్గెట్ బంగారు తెలంగాణ చేయాలనే ఉద్దేశంతో.. ప్రభుత్వ అధికారులతో.. కలిసి అబివృద్ది బాటలు ముందుగా సాగిపోతున్నారు. ఎన్ని ఆటంకాలు అడ్డువచ్చిన కేసిఆర్ సర్కార్ వేగంగా ముందుగా సాగిపోతుంది.

గత వారంలో రోజులు నుండి హైరదాబాద్ మెట్రో అధికారులతో.. కేసిఆర్ చర్చలు జరుపుతున్న విషయం తెలిసిందే. మెట్రో అధికారులకు కేసిఆర్ రెడ్ సిగ్నల్ వేయటం జరిగింది. శాసనసభ భవనం, మొజంజాహి మార్కెట్ ముందు, సుల్తాన్ బజార్ లో మెట్రో రైలును అనుమతించేది లేదని సీఎం కేసిఆర్ గట్టిగా చెప్పారు. వెంటనే ఆయా మార్గాల్లో మెట్రో పనులు ఆపాలని ఆదేశించినట్లు సమాచారం. అయితే ప్రత్యామ్నాయ మార్గాలు అన్వేషించాలని సీఎం కేసిఆర్ కోరారు.

మెట్రో రైలు వల్ల చారిత్రక ప్రాధాన్యమున్న కట్టడాల స్వరూపానికిగానీ, మనుగడకు గానీ ఎలాంటి ప్రమాదం వాటిల్లకూడదనే ఉద్దేశంతో కేసిఆర్ మెట్రో పై గట్టి పట్టుబడుతున్నారు. అయితే ఆయా ఏరియాలో భూగర్బ మార్గం సహ అందుబాటులో ఉన్న అన్ని ప్రత్యామ్నాయ మార్గాలను అన్వేషించాలని ..అధికారులు కోరారు. అయితే, భూగర్బ మార్గం ప్రతిపాదనపై ఎల్ అండ్ టీ నుంచి సానుకులంగా స్పందన రావడం లేదు . కానీ సీఎం కేసిఆర్ మాత్రం అక్కడ మెట్రో రైలు వస్తే.. అది భూగర్బం మార్గంలోనే రావాలని .. మోట్రో అధికారులకు గట్టిగా చెప్పటం జరిగింది. దీంతో మెట్రో అధికారులు ఆలోచనల్లో పడ్డారు.

RS