బాబు 60 ఏళ్ల పై ఫైర్ అవుతున్న టిడిపి ఎమ్మెల్యే?

Posted: 06/24/2014 08:17 AM IST

బిసీల నాయకుడు.. తెలుగుదేశం పార్టీ ఎమ్మెల్యే ఆర్ కృష్ణయ్య తీరు రోజు రోజుకి మారుతుంది. తెలంగాణలో టిడిపి గెలిస్తే.. తెలంగాణకు ముఖ్యమంత్రి ఆర్ కృష్ణయ్య అనే చంద్రబాబు ప్రకటించిన విషయం తెలిసిందే. అయితే తెలంగాణలో సైకిల్ , కారు దెబ్బకు వెనకబడిపోయింది. దీంతో బీసినేత ఆశలపై మంజీరా నీళ్లు పడ్డాయి. అప్పటికే అసహనంతో ఉన్న ఆర్. కృష్ణయ్య పార్టీలోని పెద్ద పదవి పై ఆశపెట్టుకున్నారు.

కానీ బాబుకు ఇవ్వలని ఉన్నప్పటికి.. పార్టీలోని తెలంగాణ ప్రాంత సీనియర్లు..ఆగ్రహం వ్యక్తం చేయటంతో.. ఆర్. కృష్ణయ్యను సాధారణ ఎమ్మెల్యేగానే పరిమితం చేయటం జరిగింది. దీంతో అప్పటి నుండి బిసి నేతలో అసంతృప్తి తో లోలోపలే కుమిలిపోవటం జరిగింది. ఒకనొక సమయంలో ఆయన సైకిల్ దిగి, కారు ఎక్కటానికి సిద్దంగా ఉన్నట్లు వార్తలు వచ్చాయి. కానీ బిసి నేత మాత్రం వాటిని పూర్తిగా ఖండించారు.

అయితే ఇప్పుడు తిరిగి మరో ఫైట్ చేయటానికి చంద్రబాబు మీద బిసీనేత సిద్దమవుతున్నారు. రాష్ట్ర ప్రభుత్వ ఉద్యోగుల పదవి విరమణ వయో పరిమితి 60 ఏళ్లకు పెంచుతూ ఆంధ్రప్రదేశ్ రాష్ట్ర ప్రభుత్వం తీసుకున్న నిర్ణయాన్ని తెలంగాణ తెలుగుదేశం పార్టీ ఎమ్మెల్యే ఆర్ కృష్ణయ్య వ్యతిరేకించారు. ఆయన మాట్లాడుతూ వ్యక్తిగతంగా తాను ప్రభుత్వ ఉద్యోగుల పదవి విరమణ వయో పరిమితి పెంపునకు వ్యతిరేకమన్నారు.

ఇప్పటికే నిరుద్యోగులు నిరాశా నిస్పృహల్లో ఉంటే, తాజాగా ప్రభుత్వోద్యోగుల పదవీ విరమణ వయో పరిమితి పెంచడం ఇబ్బందికరమేనని చెప్పారు. మోడల్ స్కూళ్లలో నియామకాలు పూర్తి స్థాయిలో జరగాలని ఆర్ కృష్ణయ్య డిమాండ్ చేశారు.

RS