Posted: 02/05/2013 05:07 PM IST

తెలంగాణ జాగృతి అధ్యక్షురాలు కల్వకుట్ల కవిత వైయస్సార్ కాంగ్రెస్ పార్టీ అధ్యక్షుడు జగన్ మోహన్ రెడ్డి పై విరుచుకుపడ్డారు. వైయస్సార్ కాంగ్రెస్ పార్టీ తెలంగాణ పై స్పష్టమైన వైఖరి తెలియజేయాలని, లేని పక్షంలో ఆ పార్టీ తెలంగాణలో ఉండాల్సిన అవసరం లేదని ఆమె అన్నారు. పార్లమెంటులో బిల్లు పెడితే... ఈ పార్టీ ఏం చేస్తుందని, తెలంగాణ పై స్పష్టమైన అభిప్రాయాన్ని తెలియజేయాలని డిమాండ్ చేశారు. ఒక వేళ ఆ పార్టీ సమైక్యాంధ్రకు కట్టుబడి ఉన్నట్లయితే తెలంగాణలో ఆ పార్టీకి ఏం పని అని ప్రశ్నించారు. జగన్ పార్టీ అధికారంలోకి వస్తే, ప్రజల్లో వెలుగు నిండటం మాట అటుంచితే, జీవితాలు మాత్రం అంధకారం అవ్వడం ఖాయం అని అన్నారు. అయితే రేపటి నుండి షర్మిళ యాత్ర ప్రారంభం అవుతున్న సందర్భంగా కవిత ఈ వ్యాక్యలు చేసినట్లు రాజకీయ వర్గాలు అంటున్నాయి.