ప్రతిఒక్కరికి కలలు రావడం సహజం. కొంతమంది వాటి గురించి పట్టించుకోరు.. మరికొంతమంది తమకు ఏమైనా చెడు జరుగుతుందేమోనన్న భావనతో భయపడిపోతుంటారు. కొంతమందికి మంచి కలలు వస్తే.. జీవితాంతం సుఖంగా వుండొచ్చు అనే భావనలు కలుగుతుంటాయి. మరికొంతమందికి దెయ్యాలు కనిపిస్తే ప్రమాదమని నమ్ముతుంటారు.

అయితే వాస్తుశాస్త్రాల ప్రకారం... జ్యోతిష్యులు, పండితులు మనకు నిద్రలో వచ్చే కలల గురించి కొన్ని నిజాలను వెల్లడిస్తున్నారు. మనకు ఏదైనా కల వస్తే.. దాని వెనుక ఏదో ఒక అర్థం వుంటుందని వారు స్పష్టం చేస్తున్నారు. కలలు కనడం వల్ల కొన్ని నష్టాలతోపాటు లాభాలు కూడా సంభవిస్తాయని బల్లగుద్దిమరీ చెబుతున్నారు మన శాస్త్ర నిపుణులు.

ఏవిధంగా అయితే మన జన్మనక్షత్రాలు, గ్రహాలమీద ఆధారపడి వుంటాయో.. అదేవిధంగా మనకు వచ్చే కలలకు ఏదో ఒక రహస్యం వుంటుందని... వాటివల్ల మన జీవితాలలో కొన్ని అనుకోని సంఘటనలు సమయానుకూలంగా జరుగుతుంటాయని వారు చెబుతున్నారు. అటువంటి కలలో కొన్నింటి అర్థాల గురించి కూడా జ్యోతిష్యులు మన ముందుంచుతున్నారు.

అవేమిటంటే...

1. యుక్తవయస్సులో వున్న ఒక యువకుని కలలో తనకు తానై ఇష్టపడిన అమ్మాయిని లేదా స్త్రీని లేచిపోయినట్లు కలలు వస్తే.. వాటి ద్వారా తీవ్ర కష్టనష్టాలు కలుగుతాయని చెబుతున్నారు నిపుణులు. 

2. పెళ్లయిన పురుషులకు అప్సరసలు లేదా కన్యలు కనిపిస్తే.. అదికంగా ధనం లాభం కలుగుతుంది. అదే పెళ్లికాని యువకుడి కలలో కన్యలు కనిపిస్తే... వెంటనే వారికి వివాహం అవుతుందని నిపుణులు పేర్కొంటున్నారు.

3. ఆడవారు నిద్రిస్తున్నప్పుడు వచ్చే కలలో పసిపిల్లలు కనబడితే.. వారు అనారోగ్యానికి గురవుతారని వెల్లడిస్తున్నారు.

4. అదేవిధంగా ఆడవాళ్లకు ఒక స్త్రీ ప్రసవిస్తున్నట్లు కల వస్తే.. వారికి సిరిసంపదలు, సుఖ జీవనంతోపాటు అధిక సౌఖ్యం లభిస్తుందని జ్యోతిష్యులు చెబుతున్నారు.

5. దరిద్రులకు ఇంద్రధనస్సు దగ్గరగా కానీ, తన నెత్తిమీద వున్నట్లు ఏదైనా కల వస్తే.. వారికి ధన లాభం కలుగుతుందని.... అదేవిధంగా ఇటువంటి కల ధనవంతులకు వస్తే.. వారికి ధన నష్టం కలుగుతుందని పండితులు తమ శాస్త్రాల ప్రకారం విశదీకరిస్తున్నారు.