తెలంగాణ కారెక్కిన కశ్యప్ - సింధు!

Posted: 10/11/2014 03:10 PM IST

తెలంగాణ రాష్ట్రప్రభుత్వం క్రీడారంగంలో రాణించిన ప్రతిభావంతులకు బహుమతులను అందజేస్తున్న విషయం తెలిసిందే! పతకాలకు తగ్గట్టు ఒక్కొక్కరకంగా డబ్బులను, ఇతర బహుమతులతోపాటు ఇంకా ఇతరత్ర సౌకర్యాలను క్రీడాకారులకు ఆ ప్రభుత్వం ఇప్పటికీ అందజేస్తూనే వుంది. ఈ నేపథ్యంలోనే మరోసారి తెలంగాణ ప్రభుత్వం ఇద్దరు క్రీడాకారులకు తమదైన శైలిలో బహుమానాన్ని బహూకరించింది.

భారత బ్యాడ్మింటన్ క్రీడాకారులు పారుపల్లి కశ్యప్, పీవీ సింధులకు తెలంగాణ బ్యాడ్మింటన్ సంఘం (బ్యాట్) ఉపాధ్యక్షుడు చాముండేశ్వరినాథ్ కార్లను బహూకరించారు. బ్యాట్ అధ్యక్షుడు - రాష్ట్రమంత్రి కేటీఆర్ శుక్రవారం కశ్యప్, సింధులకు ఫోర్డ్ ఎకోస్పోర్ట్ కార్లను అందజేశారు. ఈ ఒక్కో కారు ఖరీదు రూ.9.5 లక్షలు. కామన్వెల్త్ క్రీడల్లో కశ్యప్ స్వర్ణం గెలిచినందుకు, ప్రపంచ బ్యాడ్మింటన్ ఛాంపియన్ షిప్ లో వరుసగా రెండు కాంస్యాలు గెలిచినందుకు సింధుకు ఈ బహుమానాలు ఇచ్చినట్లు చాముండి తెలిపారు.

AS