ఛాంపియన్స్ ట్రోఫీకి సై.. పచ్చజెండా ఊపిన బిసిసిఐ

Posted: 05/07/2017 02:32 PM IST

అంతర్జాతీయ క్రికెట్ కౌన్సిల్ అధ్వర్యంలో జరుగనున్న చాంపియన్స్ ట్రోఫీలో పాల్గొనేందుకు టీమిండియా ఎట్లకేలకు సిద్దమయ్యింది. ఐసీసీ చైర్మన్ హోదాలో వున్న బిసిసిఐ మాజీ అధ్యక్షుడు శశాంక్ మనోహర్.. అంతర్జాతీయ క్రికెట్ కౌన్సిల్ అర్థిక విధానాల్లో తీసుకువచ్చిన మార్పులతో భారీ అదాయాన్ని ఇస్లున్న భారత్ కు లాభాలను పంచే వాటాలో మాత్రం అరకొరగానే ఇవ్వడంపై తీవ్రంగా నిరసన వ్యక్తం చేసిన భారత క్రికెట్ నియంత్రణ మండలి.. ఐసీసీ చాంపియన్ ట్రోఫీని బహిష్కరించాలన్న యోచనలో వుందని వార్తలు వచ్చాయి.

అయితే ఐసీసీ ఛాంపియన్ షిఫ్ లో భారత్ తప్పక అడాలని క్రికెట్ దిగ్గాజాలు కూడా తమ అభిప్రాయాలను వ్యక్తం చేయడంతో పాటు ఇటు అభిమానుల నుంచి కూడా బిసిసిఐ విమర్శల సెగను ఎదుర్కోవడంతో.. ఇవాళ సమావేశమైన భారత క్రికెట్ నియంత్రణ మండలి బోర్డు సభ్యులు ఛాంపియన్స్‌ ట్రోఫీలో భారత్‌ ఆడుతుందని ప్రకటించారు. దీంతో పాటు ఐసీసీకి ఎటువంటి నోటీసులు ఇవ్వకూడదని నిర్ణయించింది.

శశాంక్ మనోహర్ ప్రవేశపెట్టిన నూతన ఆర్థిక విధానంతో బీసీసీఐ-ఐసీసీ మధ్య తలెత్తిన వివాదానికి మధ్యస్తం ద్వారా పరిస్కరించుకోవాలని బీసీసీఐ భావిస్తోంది. ఇందులో భాగంగా జాయింట్‌ సెక్రటరీగా ఉన్న అమితాబ్‌ చౌదరికి ఈబాధ్యతలు అప్పగించినట్లు పత్రికా ప్రకటనలో తెలిపింది. ‘ఈ ఏడాది చాంపియన్స్‌ ట్రోఫీ కోసం గత నెల 25లోపే భారత జట్టును ప్రకటించాల్సి ఉన్నా నేటి దాకా జట్టును వెల్లడించలేదు. వెంటనే సెలక్షన్‌ కమిటీని సమావేశపరిచి టీమిండియా జట్టును ప్రకటించాలని బీసీసీఐ సంయుక్త కార్యదర్శిని నూతన పాలక మండలి (సీఏవో) హెచ్చరించిన సంగతి తెలిసిందే.