సైనా నెహ్వాల్ ఇంటిదారి పట్టింది

Posted: 11/21/2013 08:01 PM IST

గత కొంత కాలం నుండి స్టార్ షెట్లర్ సైనా నెహ్వాల్ నిరాశపరుస్తూనే ఉంది. గతంలో ధాయ్ లాండ్ ఓపెన్ సిరీస్ నెగ్గి సంచలనం స్రుష్టించిన సైనా నెహ్వాల్ ఈ ఏడాది ఒక్క సిరీస్ కూడా నెగ్గని సైనా ఈ సిరీస్ లో మొదటి మ్యాచ్ లో నెగ్గి మురిపించి, రెండో మ్యాచ్ లో ఫేవలమైన ప్రదర్శనతో  హాంకాంగ్ ఓపెన్ సూపర్ సిరీస్లో సైనా రెండో రౌండ్లోనే ఇంటిదారి పట్టింది. గురువారం జరిగిన మహిళల సింగిల్స్ రెండో రౌండ్లో ఏడో సీడ్ సైనా 17-21, 21-9, 15-21 స్కోరుతో పోర్న్టిప్ బురాన ప్రసెట్సుక్ (థాయ్లాండ్) చేతిలో ఓడిపోయింది.

పురుషుల సింగిల్స్లోనూ భారత ఆటగాడు అజయ్ జయరామ్ 18-21, 12-21తో సోనీ డ్వి కున్కోరొ (ఇండోనేసియా) చేతిలో ఓడిపోయాడు. ఈ ఏడాదిలో సైనా ఒక్క టైటిల్ కూడా గెలవలేకపోయింది. సీజన్ చివర్లోనైనా నెగ్గాలన్న సైనా ఆశలు నెరవేరలేదు. గాయాలు, పేలవ ఫామ్ కారణంగా ఆశించిన స్థాయిలో ఆడలేకపోతోంది.