వరుసగా మూడో బూడిద టెస్టు గెలిచింది

Posted: 08/26/2013 10:47 AM IST

ఇంగ్లాండ్ - ఆస్ట్రేలియా రెండు దేశాలు ఎంతో ప్రతిష్టాత్మంగా భావించే యాషెష్ సిరీస్ ను వరుసగా మూడోసారి ఇంగ్లాండ్ కైవసం చేసుకుంది. ఎంతో రసవత్తరంగా సాగిన ఐదవ టెస్టు డ్రాగా ముగియడంతో ఇంగ్లాండ్ మూడు టెస్టులతో సిరీస్ ని నిలబెట్టుకుంది. ఈ సిరీస్ లో ఘోరంగా విఫలం అయిన క్లార్క్ సేన ఇంగ్లాండ్ ను నిలువరించలేక పోయింది. చివరి టెస్టునైనా గెలుచుకోవాలనే ఉద్దేశంతో 226 పరుగుల స్వల్ప ఆధిక్యంలో ఉండగానే క్లార్క్ తమ రెండో ఇన్నింగ్స్‌ను డిక్లేర్ల్ చేశాడు. కానీ క్లార్క్ తీసుకున్న ఈ నిర్ణయం ఏ మాత్రం ఫలితాన్ని ఇవ్వకపోగా ఓదశలో ఇంగ్లాండ్ బ్యాట్స్ మెన్స్ చెలరేగడంతో స్వల్ప పరుగుల తేడాతోనే టెస్టు డ్రాగా ముగిసింది. అంతకుముందు 247/4 ఓవర్‌నైట్ స్కోరుతో చివరి రోజు ఆట ప్రారంభించిన ఇంగ్లండ్ జట్టు తొలి ఇన్నింగ్స్‌లో 377 పరుగులకు ఆలౌటయ్యింది. ఇయాన్ బెల్ (143 బంతుల్లో 45; 5 ఫోర్లు), ప్రియర్ (57 బంతుల్లో 47; 8 ఫోర్లు) రాణించారు. రెండో ఇన్నింగ్స్  న్నింగ్స్ ప్రారంభించిన ఆసీస్‌ను ఆరంభంలోనే ఇంగ్లండ్ బౌలర్లు వణికించారు. వికెట్లు త్వరగా పడిపోతుండడంతో 23 ఓవర్లలో 6 వికెట్లకు 111 పరుగుల వద్ద ఇన్నింగ్స్‌ను డిక్లేర్డ్ చేసింది. క్లార్క్ (28 బంతుల్లో 28 నాటౌట్; 3 ఫోర్లు) టాప్ స్కోరర్‌గా నిలిచాడు. ఆసీస్ వీలైనంత త్వరగా ఇంగ్లండ్ వికెట్లను తీద్దామనుకున్నప్పటికీ ఆతిథ్య జట్టు బ్యాట్స్‌మెన్ అంత సులువుగా లొంగలేదు. కెవిన్ పీటర్సన్ (55 బంతుల్లో 62; 10 ఫోర్లు)తో రాణించడంతో కుక్ సేన 40 ఓవర్లలో 5 వికెట్లకు 206 పరుగులు చేసింది.  మరో నాలుగు ఓవర్లు మిగిలి ఉండగానే వెలుతురు సరిగా లేదని అంపైర్లు ఆటను నిలిపివేశారు. దీంతో చివరి టెస్టు డ్రాగా ముగిసింది