రైజర్స్ కి చావో రేవో

Posted: 05/17/2013 12:05 PM IST

గత సీజన్లలో అంతగా రాణించని హైదరాబాద్ జట్టు ఈ సారి కొత్త యాజమాన్యం ఆధ్యర్యంలో పేరు మార్చుకొని బరిలోకి దిగి అనూహ్య విజయాలు సాధిస్తూ ప్లే ఆఫ్ రేసుకు చేరువలోకి చేరుకున్న విషయం తెలిసిందే. ప్లే ఆఫ్ కు అర్హత సుగమమం కావాలంటే నేడు రాజస్థాన్ రాయల్స్ తో చావో రేవో తేల్చుకోవడానికి సిద్ధం అయింది. ఇప్పటికే ప్లేఆఫ్ రేసుకు చేరుకున్న రాజస్థాన్ రాయల్స్ మంచి ఊపులో ఉన్నా, మ్యాచ్ ఫిక్సింగ్ ఆరోపణలతో ఆ జట్టు ఆటగాళ్ళు  ఒత్తిడిలో ఉన్నారు. ఇక హైదరాబాద్ జట్టు విషయానికి వస్తే కేవలం బౌలింగ్ నే నమ్ముకుని ఇంత దూరం  వచ్చిన రైజర్స్ బ్యాటింగ్ లో పెద్దగా రాణించలేక పోతుంది. బౌలింగ్‌ మాత్రం స్టెయిన్‌, ఇశాంత్‌ శర్మ, డారెన్‌ సామి, లెగ్‌స్పిన్నర్‌ అమిత్‌ మిశ్రా, శ్రీలంక పేసర్‌ పెరీరా మంచి ఫామ్‌లో ఉన్న స్పిన్నర్‌ కరణ్‌ శర్మ ఉన్నారు. అయితే వీరు కూడా చెన్నై, ముంబయి లాంటి జట్ల పై రాణించలేక ఓటమి పాలయ్యారు. బ్యాటింగ్ లో హైదరాబాద్‌ను ఓపెనర్‌ ధావన్‌, యువ ఆటగాడు విహారి, కెప్టెన్‌ సంగక్కార , పార్థివ్ లాంటి వాళ్ళు రాణిస్తే నే గెలుపు సాధ్యం అవుతుంది.

ఇక రాజస్థాన్ విషయానికి వస్తే.... రాయల్స్‌ జట్టులోని డాషింగ్‌ హిట్టర్‌ వాట్సన్‌ మంచి ఫామ్‌లో ఉన్నాడు. అలాగే కెప్టెన్‌ ద్రావిడ్‌ కూడా స్థిరంగా ఆడుతున్నాడు. అదేవిధంగా రహానే, సంజు సామ్సన్‌ టాప్‌ ఆర్డర్‌లో అద్వితీయంగా రాణిస్తూ పరుగులు కొల్లగొడుతున్నారు. వాట్సన్‌కు తోడు మ్యాచ్‌ను విజయవంతంగా ముగించడంలో స్టూవర్ట్‌ బిన్నీ పాత్ర అమోఘం. ద్రావిడ్‌ నాయకత్వంలోని ఆ జట్టు ఈ ఐపిఎల్‌ అందుకున్న పరాజయాల సంఖ్య చాలా తక్కువ. ప్రస్తుతం 20 పాయింట్లతో ఉన్న రాజస్థాన్‌ రాయల్స్‌ ప్లే ఆఫ్‌లో స్థానం పొందినప్పటికీ, క్వాలిఫైయిర్‌లో ఆడాలంటే తప్పకుండా 22 పాయింట్లు అందుకోగలగాలి. దానికి నేటి మ్యాచ్‌లో విజయాన్ని అందుకోవడం తప్పనిసరి.

మరోవైపు హైదరాబాద్‌, బెంగళూరుతో సమంగా 16 పాయింట్లతో ఉంది. ఈ నేపథ్యంలో హైదరాబాద్‌ ప్లే ఆఫ్‌కు చేరుకోవాలంటే ఈ రెండింటిని వరుసగా గెలుచుకోగలగాలి. అదే బెంగళూరు ఒకే మ్యాచ్‌ ఆడవల్సి ఉండగా, అది గెలిచినా వారి పాయింట్ల సంఖ్య 18 కి చేరుకుంటుంది. రైజర్స్‌ వరుసగా రెండింటిని గెలువగలిగితే బెంగళూరు నిష్ర్కమించాల్సిందే. భారీ స్కోరుకు సమాధానం చెప్పలేక ఐదు మ్యాచ్‌ల విజయాల అనంతరం పరాజయం పాలైన ఆ జట్టుకు ఈ మైదానంలో తమ అవకాశాలు పెంచుకోవడానికి ఇదో మంచి చాన్స్‌. చూద్దాం సన్ రైజర్స్ ఏమి చేస్తుందో...?