సన్ రైజర్స్ సప్రైజ్ విజయం

Posted: 04/18/2013 11:52 AM IST

Sunrisers hyderabad beat pune warriors india by 11 runs

గత సీజన్లలో హైదరాబాద్ అభిమానుల్ని తీవ్రంగా నిరాశ పరిచిన హైదరాబాద్ జట్టు ఈ సీజన్ లో మాత్రం అందరి ప్రశంసలు అందుకునే ప్రదర్శన చేస్తుంది. ఇప్పటి వరకు జరిగిన మ్యాచ్ లో అనూహ్య ప్రదర్శన కనబరుస్తూ తన ఖాతాలో విజయాల్ని వేసుకుంటుంది. ఇక నిన్న పూణె వారియర్న్ తో జరిగిన మ్యాచ్ లో సన్ రైజర్స్ ఓటమి ఖాయం అనుకున్న వారికి షాక్ ఇస్తూ ‘సర్ ప్రైజ్ ’ చేసింది. టాస్ గెలిచి మొదట బ్యాటింగ్ చేసిన చేసిన సన్ రైజర్స్ జట్టు 120 పరుగుల స్వల్ప లక్ష్యాన్నే పూణే ముందు ఉంచింది. ఈ లక్ష్యాన్ని ఛేదించడానికి బరిలోకి దిగిన పూణే వారియర్స్ మొదటి నుండి దూకుడుగా ఆడుతూ వచ్చింది. చివరి వరకు బాగానే ఆడిన పూణే చివరగా 12 బంతుల్లో 14 పరుగులు చేయాలి. చేతిలో 6 వికెట్లు ఉన్నాయి. అంతా పూణేదే విజయం అనుకున్నారు. కానీ సన్ రైజర్స్ స్పిన్నర్ అమిత్ మిశ్రా స్పిన్ మాయాజాలం ముందు పూణే తేలిపోయింది. 19వ ఓవర్లో మిశ్రా హ్యాట్రిక్ తీయడమే కాకుండా ఒకే ఓవర్లో నాలుగు వికెట్లు తీయడంతో 19 ఓవర్లలో 108 పరుగులకు ఆలౌటయ్యింది. ఉతప్ప (14 బంతుల్లో 22; 4 ఫోర్లు) టాప్ స్కోరర్‌గా నిలిచాడు.టోర్నీలోనే ఆశ్చర్యకరమైన విజయాన్ని జట్టుకు అందించాడు. ఐపీఎల్ చరిత్రలో మిశ్రాకిది మూడో హ్యాట్రిక్ కావడం విశేషం. అత్యుత్త ప్రదర్శనకు గాను మిశ్రాకు మ్యాన్ ఆఫ్ ద మ్యాచ్ అవార్డు దక్కింది.