పంజాబ్ ని చిత్తు చేశారు

Posted: 04/15/2013 01:41 PM IST

ఈ సారి ఐపీఎల్ లో ఎన్నో జట్ల కథ మారినా పంజాబ్ కింగ్స్ లెవన్ తీరు మాత్రం మారలేదు. నిన్న రాజస్థాన్ రాయల్స్ తో జరిగిన మ్యాచ్ లో కూడా ఓటమి పాలైంది. మొదట టాస్ గెలిచి కింగ్ లెవన్ ని బ్యాటింగ్ కి ఆహ్వానించిన కెప్టెన్ ద్రావిడ్ నమ్మకాన్ని వమ్ముచేయలేదు. మొదటి 4 ఓవర్లలోనే కేవలం 10 పరుగులకు 3 వికెట్లు కొల్పోయిన పంజాబ్ మరే దశలోనూ కోలుకోలేదు. కెప్టెన్ గిల్‌క్రిస్ట్ డకౌట్ కాగా , మన్‌దీప్ సింగ్ (2) స్వల్ప స్కోరుకే తిరిగి వచ్చాడు. రెండో ఓవర్‌కే శ్రీశాంత్ వీరిద్దరినీ పెవిలియన్ దారి పట్టించాడు. దీంతో 10 ఓవర్లు ముగిసేటప్పటికీ 4వికెట్ల నష్టానికి 57 పరుగులు మాత్రమే చేయగలిగిన పంజాబ్ ఆఖరి 9 ఓవర్లలో మిగతా 6 వికెట్లను పొగొట్టుకొని, 125 పరుగులు మాత్రమే చేయగలిగింది. హసీ, అజర్ మహ్మద్ తప్ప వేరే వారు ఎవరూ రాణించలేకపోయారు. రాయల్స్ బౌలర్లు శ్రీశాంత్, త్రివేది, పౌల్క్‌నెర్ , కూపర్ తలో రెండేసి వికెట్లు కూల్చి ప్రత్యర్థి బ్యాటింగ్ వెన్ను విరిచారు. స్వల్ప లక్ష్యంతో బరిలోకి దిగిన రాజస్థాన్ రాయల్స్ చివరి ఓవర్ వరకు సాగదీసినా, మరో నాలుగు బంతులు ఉండగానే విజయం సాధించారు. అజింక్యా రహానే (34 నాటౌట్) కీలక పాత్రను పోసించగా అతడికి 18 ఏళ్ల వికెట్ కీపర్ సంజూ శామ్సన్ మంచి మద్దతు ఇచ్చారు. శామ్సన్ అజేయంగా 27 పరుగులు చేసి తమ జట్టును విజయపథంలో నడిపించాడు.