Posted: 04/05/2013 11:01 AM IST

అన్ని ఫార్మాట్ల మ్యాచ్‌ల్లోనూ నోబాల్ కొత్త నిబంధన ఒక దానిని ఐసీసీ ప్రవేశపెట్టింది. బౌలింగ్ చేసేటప్పుడు నాన్ స్ట్రయికర్ ఎండ్‌లోని వికెట్‌ను బౌలర్ తాకితే దానిని నో బాల్‌గా ప్రకటించాలని ఐసీసీ నిర్ణయించింది. ఇప్పటివరకూ దీనిని డెడ్ బాల్‌గానే డిక్లేర్ చేస్తున్నారు. కొత్త నిబంధన ఈ నెల 30 నుంచి అమల్లోకి వస్తుంది. 'ఈ ఏడాదిలో చాలా మ్యాచ్‌లు ఉన్నాయి. జూన్‌లో చాంపియన్స్ ట్రోఫీ కూడా ఉంది. బంతిని విసురుతున్నపుడు బౌలర్ నాన్‌స్ట్రయికర్ వికెట్లను తాకితే నో బాల్‌గా ప్రకటించడం వల్ల మ్యాచ్‌లో కచ్చితత్వం వస్తుంది' అని ఐసీసీ జీఎం జెఫ్ అల్లార్‌డిస్ చెప్పాడు.