Posted: 02/19/2013 08:29 PM IST

ఆస్ట్రేలియా జట్టులో సీనియర్ క్రీడాకారిణి అయిన లీసా స్థాలేకర్ ప్రపంచకప్ గెలిచిన తెల్లవారే క్రికెట్ కి గుడ్ బై చెబతున్నట్లు ప్రకటించింది.  2001లో అంతర్జాతీయ క్రికెట్లోకి అరంగేట్రం చేసిన ఆల్ రౌండ్ ప్రతిభతో ఆసీస్ కి ఎన్నో విజయాలు అందించిన భారత మూలాలు ఉన్న ఈమె రిటైర్మెంట్ ప్రకటించడం అందరిని ఆశ్యర్యానికి గురిచేసింది. ఇప్పటికీ 8 టెస్ట్‌లు, 125 వన్డేలు, 54 టి-20 మ్యాచ్‌లు ఆడిన ఈ ఆల్‌రౌండర్.. వన్డేల్లో 1000 పరుగులు, 100 వికెట్లు తీ సిన తొలి క్రీడాకారిణిగా రికార్డు నెలకొల్పింది. ప్రస్తుతం టి-20 ఆల్ రౌండర్ల ర్యాంకింగ్స్‌లో అగ్రస్థానం, వన్డే ఆల్‌రౌండర్లలో రెండో స్థానంలో ఉంది. అయితే లిసా స్థాలేకర్ మాత్రం తన రిటైర్మెంట్ పై మాట్లాడుతూ... వరల్డ్ కప్ గెలిచిన తరువాత తాను సంతోషంగా రిటైర్మెంట్ ప్రకటిస్తున్నానని, భవిష్యత్తులో క్రికెట్ కోచ్ గా కొనసాగాలనుకుంటున్నానని చెప్పింది.