Posted: 12/31/2012 06:42 PM IST

కాలం కలిసిరాకపోతే... కర్రే పామైకరుస్తుందని ఓ సామెత ఉంది. ఈ సామెత నిన్న పాక్ తో జరిగిన తొలి వన్డేలో ఇండియాకి అతికినట్లు సరిపోతుంది. అసలే మన బ్యాట్స్ మెన్స్ వరుసగా క్యూ కట్టడంతో తక్కువ స్కోరుకే చాపచుట్టేస్తారనుకున్నారు. కానీ ధోని మహిమ చేసి, ఒంటిచేత్తో భారత్ కి గౌరవ ప్రదమైన స్కోరు అందించాడు. దీంతో ఇండియా గెలుస్తుందనే చిన్న ఆశ అభిమానుల్లో ఉండింది. కానీ వాటి పై మన దేశానికి చెందిన ఎంపైర్ నీళ్ళు చల్లాడు. దీంతో భారత్ ఓటమికి తనవంతు సహాకారన్ని అందించాడు. కెరీర్‌లో మూడో అంతర్జీతీయ మ్యాచుకు రవి ఎంపైర్‌గా నిన్న వ్యవహరించాడు.

పాక్ విజయంలో సెంచరీతో చెలరేగి కీలక పాత్ర పోషించిన జంషెడ్ 24 పరుగుల వ్యక్తిగత స్కోరు వద్ద అవుట్ కావాల్సింది. కానీ రవి తప్పుడు నిర్ణయంతో బతికిపోయాడు. అశ్విన్ వేసిన ఇన్నింగ్స్ 18వ ఓవర్లో జంషెడ్ బ్యాట్ లోపలి అంచుకు తాకిన బంతి ప్యాడ్లకు తగిలి ఫస్ట్ స్లిప్‌లో ఉన్న సెహ్వాగ్ చేతిలో పడింది. తొలుత ఎల్బీడబ్ల్యు.. ఆ తర్వాత క్యాచ్ అవుట్ కోసం అప్పీల్ చేసిన అంపైర్ రవి తోసిపుచ్చాడు. అప్పటికి జంషెడ్ 24 మాత్రమే. ఆ తర్వాత 24వ ఓవర్లో అశ్విన్ బౌలింగులో యూనిస్ ఖాన్ క్లీన్ స్వీప్‌కు ప్రయత్నించగా బంతి బ్యాడ్లకు తాకింది. ఎల్బీ కోసం అప్పీల్ చేస్తే అంపైర్ దాన్ని కూడా తోసిపుచ్చాడు. రీప్లేలో బంతి వికెట్లను తాకుతున్నట్లుగా స్పష్టంగా తేలింది. ఎవరి వైఫల్యమైనా కానీ తగిన మూల్యం చెల్లించుకోవాల్సి మాత్రం వచ్చింది.