Posted: 05/31/2012 11:26 AM IST

భారత క్రికెట్ కెప్టెన్ మహేంద్ర సింగ్ ధోనీ ప్రేమలో పడ్డాడు. పెళ్లయిన ధోని ప్రేమలో పడటమేంటని ఆశ్చర్యపోకండి. ధోనీకి బైక్‌లంటే విపరీతమైన ఇష్టమన్న సంగతి తెలిసే ఉంటుంది. ధోనీ గత నెలలో ‘ ఎక్స్ 132 హెల్‌క్యాట్’ను దిగుమతి చేసుకుని మరీ కొనుక్కున్నాడు. ఈ బైక్ ధర 27.55 లక్షల రూపాయలు. దక్షిణాసియాలో ఈ బైక్ ఉన్న ఏకైక వ్యక్తి ధోనీ. ఈ బైక్‌కు సంబంధించిన రెండు ఫొటోలను ధోనీ పోస్ట్ చేశాడు. అతడి అభిమానులంతా ఐపిఎల్-5 ఫైనల్ పరాజయాన్ని పట్టించుకోకుండా ఈ బైక్ గురించే చర్చల్లో పడిపోయారు. ప్రస్తుతం ఢిల్లీలో ఉన్న ధోనీ త్వరలో ఈ బైక్‌ను తన స్వస్థలమైన రాంచీకి తీసుకుపోనున్నాడు. ధోనీకి రాంచీలో 11 బైక్‌లు, 9 కార్లు ఉన్నాయి. ఇవే కాకుండా చెన్నైలో రెండు, ముంబైలో మరో రెండు బైక్‌లు ఉన్నాయి.