హీరో విశాల్ ఐటీ దాడుల వీడియో.. నిజమేనా?

Posted: 11/16/2017 11:59 AM IST

నటుడు విశాల్ ఆస్తులపై ఈ మధ్య ఐటీ దాడులు జరిగాయన్న వార్త వినిపించిన విషయం తెలిసిందే. నోట్ల రద్దు తర్వాత పన్ను ఎగవేత కారణంగానే స్పెషల్ టీం సభ్యులు విశాల్ ఆస్తులను క్షుణ్ణంగా తనిఖీలు నిర్వహించాయని చెప్పుకున్నాం.

అయితే మెర్సల్ చిత్ర వివాద సమయంలో విశాల్ చిత్ర యూనిట్ కు మద్ధతు ప్రకటించటం.. ఆ వెంటనే ఈ దాడులు జరగటంతో షరా మాములుగా బీజేపీ కక్ష్య సాధింపు చర్యేనన్న వాదన వినిపించింది. దీనికి తోడు ఈ మధ్య విడుదలైన ఓ వీడియో నెట్ లో వైరల్ మారటంతో దాడులు నిజమనే అంతా అనుకున్నారు.

ఈ నేపథ్యంలో ఆ వీడియోలో ఏముందో ఒక్కసారి గమనిస్తే అంతా షాక్ అవుతారు. రెండు వేల నోట్ల కట్టలను లెక్కిస్తున్న అధికారులు. విశాల్ వారిని అది తన కష్టార్జితం అని బతిమాలుకోవటం.. దానికి వారు లెక్కలు లేవని సమాధానం ఇవ్వటం అందులో చూడొచ్చు. సీక్రెట్ గా వీడియో తీస్తున్న సమయంలో విశాల్ దయచేసి కెమెరా ఆపండి అంటూ చెప్పటం కనిపిస్తోంది. అయితే చివర్లో సీనియర్ నటుడు అర్జున్ వచ్చి.. షాట్ కోసం దర్శకుడు వేచి చూస్తుంటే ఏంటి ఇదంతా అని విశాల్ ను ప్రశ్నించటం.. స్టాప్ ఫై సరదాగా చిర్రుబుర్రులాడటం.. ఆ నోట్ల మధ్యలో మొత్తం తెల్ల కాగితాలే అంటూ చూపించటం బట్టి అదో ఫ్రాంక్ వీడియో అని స్పష్టంగా తేలిపోయింది.