రంగస్థలంలో పొలిటికల్ డ్రామా కూడానా?

Posted: 11/18/2017 12:04 PM IST

టాలీవుడ్ లో సూపర్ టాలెంటెడ్ దర్శకుడిగా పేరున్న సుకుమార్ ఇప్పటిదాకా దాదాపు అన్ని జోనర్లను టచ్ చేశాడు. ఈ నేపథ్యంలో రామ్ చరణ్ తో తీయబోయే చిత్రం ఎలాంటి జోనర్ అయి ఉంటుందా? అని చిత్ర షూటింగ్ మొదలు నుంచే అంచనాలు వేయటం ప్రారంభించారు.

శామ్ గెటప్, చెర్రీ ఫోటోలు, లోకేషన్లు అన్నీ చూసి ఇదే ప్యూర్ విలేజ్ లవ్ స్టోరీ అని అంతా భావించారు కూడా. అయితే ఈ చిత్రంలో మరో సర్ ప్రైజ్ ఎలిమెంట్ ను కూడా సుక్కూ చూపించబోతున్నాడంట. 1985వ కాలంలో గ్రామ రాజకీయాలు ఎలా ఉన్నాయి అన్న కథాంశంతో రంగస్థలం నడుస్తుందని చిత్ర యూనిట్ నుంచి సమాచారం బయటకు పొక్కింది.

అయితే అది కంప్లీట్ పొలిటికల్ డ్రామా కాదని, ఓవైపు లవ్ స్టోరీ కొనసాగుతూనే.. మరో వైపు ఊళ్లోని పరిస్థితులను చూపిస్తాడని చెప్పుకుంటున్నారు. ప్రస్తుతం 75 శాతం షూటింగ్ పూర్తయిపోగా... డిసెంబర్ చివరి వారం కల్లా టాకీ పార్ట్ పూర్తయి పోతుందంట. సమంత హీరోయిన్ గా నటిస్తున్న ఈ చిత్రంలో జగపతి బాబు, ఆదిపినిశెట్టి, అనసూయ కీలక పాత్రలు పోషిస్తున్నారు. మార్చి 27న చిత్రం ప్రేక్షకుల ముందుకు వచ్చే అవకాశం ఉంది.