సమీరా పని అయిపోయిందా?

Posted: 08/25/2014 04:51 PM IST

(Image source from: sameera reddy with namal rajapaksa photos leaked)

ఈ మద్యే పెళ్ళి చేసుకుని జీవితాన్ని ఎంజాయ్ చేస్తున్న సమీరా రెడ్డి.. ఇప్పుడు అనుకోకుండా కష్టాల్లో పడింది. సరదా కోసం ఆమె చేసిన ఓ పని ఆమె కెరీర్ కే ఎసరు పెట్టే దిశగా కనిపిస్తోంది. ఇంతకీ ఆమె చేసిన ఆ తప్పు పని ఏంటని అనుకుంటున్నారా..? శ్రీలంక అధ్యక్షుడు మహేంద్ర రాజపక్సే కొడుకు అయిన నమల్ రాజపక్సేతో కలిసి సరదాగా ఈ అమ్మడు ఒక ఫోటో దిగింది. అయితే ఇప్పుడు ఈ ఫోటో తమిళనాడులో పెద్ద దుమారాన్నే రేపుతోంది. సమీరారెడ్డిని ఇకనుంచి తమిళ సినిమాల్లో నటింపచేయకూడదంటూ తమిళతంబీలందరూ ఆమె మీద గుర్రుగా వున్నారని సమాచారం!

అయినా ఆమె దిగిన ఆ ఫోటోకు, కెరీర్ కు సంబంధం ఏముందని అనుకుంటున్నారా..? అసలు జరిగిన విషయం ఏమిటంటే.. గతంలో శ్రీలంక అధ్యక్షుడు మహేంద్ర రాజపక్సే మద్దతుదారులు ఎల్టీటీఈ చీఫ్ దివంగత ప్రభాకరన్ కుమారుడు బాలచంద్రన్ ను మట్టుపెట్టారని... అలాగే శ్రీలంకలో తమిళుల ఊచకోతపై తమిళనాడు ప్రజలు భారీఎత్తున ఆందోళన చేపట్టిన విషయం తెలిసిందే! చివరకు అధ్యక్షుడు మహేంద్ర రాజపక్సేను సైతం తిరుమలలో అడ్డుకోవడానికి నానాప్రయత్నాలు చేశారు. వారికి సంబంధించిన ఏ వ్యవహారం అయినా తమిళనాడులో నడవనీయకుండా వారు ప్రచారాలు చేస్తున్నారు. నిన్నటికినిన్న ‘‘కత్తి’’ సినిమాను రాజపక్సే మద్దతుదారులు నిర్మిస్తున్నారనే విషయం తెలియగానే.. ఆ సినిమా విడుదలను కూడా నిలిపివేయాలని తమిళతంబీలు డిమాండ్ చేస్తున్నారు. ఇది వేరే విషయం!

ఇప్పడు తాజాగా సమీరారెడ్డి శ్రీలంక అధ్యక్షుడు మహేంద్ర రాజపక్సే కొడుకు నమల్ రాజపక్సే కలిసి దిగిన ఫోటో ఇంటర్నెట్ లో హల్ చల్ చేస్తోంది. ఈ ఫోటోను చూసిన తమిళతంబీలు ఈమెనై ఆగ్రహాన్ని వ్యక్తం చేస్తున్నారు. తెలుగులో అసలు అవకాశాలులేనప్పుడు కోలీవుడ్ సమీరాని ఆదుకుంది. అటువంటిది ఇప్పుడు ఈ ఫోటో ఆమె కెరీర్ ను దెబ్బతీయడం ఖాయమని ఇండస్ట్రీలో చర్చించుకుంటున్నారు. తమిళంలో ఈమెను సినిమాల్లో నటించనివ్వకూడదని.. ఒకవేళ నటిస్తే వాటిని రిలీజ్ కానివ్వకుండా అడ్డుపడటానికి ప్రయత్నాలు జరిగే అవకాశాలున్నాయని అనుకుంటున్నారు.