మణిరత్నంను చిరంజీవి వద్దన్నాడా?

Posted: 08/25/2014 03:30 PM IST

టాలీవుడ్ లో ఇప్పుడంతా ఒకటే హాట్ టాపిక్., అదే చిరంజీవి 150వ సినిమా. ఇప్పుడు ఏ సినీ ప్రముఖుడయినా ఇదే విషయంపై చర్చిస్తున్నారు. మెగా సినిమా ఎలా ఉంటుంది?. రీ ఎంట్రి ఏ క్యారెక్టర్?, ఎవరు దర్శకుడు?, కథ ఏమిటి? ఇలా అనేక అంశాలపై ఆసక్తికర చర్చ జరుగుతోంది. అటు మెగా ఫ్యామిలీ కూడా 150వ సినిమాపైనే దృష్టి పెట్టిందని  చిరంజీవి బర్త్ డే రోజున రామ్ చరణ్ ప్రకటించటంతో హీట్ మరింత పెరిగింది. ఎప్పుడెప్పుడు ఈ సినిమా సెట్ కు ఎక్కుతుందా అని అభిమానులు ఎదురుచూస్తున్నారు. ఈ సినిమా కోసం ఇప్పటికే కొందరు దర్శకులు కధ రెడి చేసుకుని చిరుకు విన్పించేందుకు సిద్దమవుతున్నారు.

అటు ప్రముఖ దర్శకుడు  మణిరత్నం ఇప్పటికే చిరుకు కధ కూడా విన్పించినట్లు ప్రచారం జరుగుతోంది. అయితే మణి కథపై మెగాస్టార్ అంతగా ఆసక్తి చూపలేదని తెలుస్తోంది. అభిమానుల అంచనాలకు తగ్గట్టు ఈ కథ లేదని రిజెక్ట్ చేసినట్లు వార్తలు వస్తున్నాయి. వచ్చే సినిమా ఫ్యామిలీ ఎంటర్ టైనర్ గా ఉంటుందని చరణ్ హింట్ ఇచ్చాడు. ఆ మేరకు కధ లేకపోవటంతోనే రిజెక్ట్ అయినట్లు ఊహాగానాలు వస్తున్నాయి. చూడాలి మరి చిరును మెప్పించి మెగా సినిమా డైరెక్టర్ చాన్స్ కొట్టేసేది ఎవరో?

కార్తిక్