ఫస్ట్ లుక్: ఎన్టీఆర్ జై లవకుశ

Posted: 05/19/2017 04:08 PM IST

Ntr jai lava kusa negative role as first look

యంగ్ టైగర్ 27వ మూవీ జై లవకుశ ఫస్ట్ లుక్ వచ్చేసింది. మే20న ఎన్టీఆర్ 34వ పుట్టిన రోజు సందర్భంగా ఒక్క రోజు ముందుగానే ఎన్టీఆర్ లుక్కును రివీల్ చేసేశారు. తారక్ సోదరుడు, చిత్ర నిర్మాత కళ్యాణ రామ్ కాసేపటి క్రితం తన ట్విట్టర్ అకౌంట్ లో సినిమాకు సంబంధించి రెండు పోస్టర్లను రిలీజ్ చేశాడు.

ఒక దాంట్లో బ్యాగ్రౌండ్ లో రావణ విగ్రహాం ముందు ఎన్టీఆర్ కోర మీసం, గడ్డంతో స్టైలిష్ ఎన్టీఆర్ కారులోంచి దిగినట్లు ఉంది.ఇంకో దాంట్లో చేతికి సంకెళ్లతో ప్రజలకు అభివాదం చేసే ఎన్టీఆర్ ను చూడొచ్చు. బహుశా నెగటివ్ రోల్ కు సంబంధించిన క్యారెక్టర్ ఇదే అయి ఉండొచ్చు.

పవర్ ఫేమ్ బాబీ(కేఎస్ రవీంద్ర) దర్శకత్వం వహిస్తున్న జై లవ కుశలో ఎన్టీఆర్ త్రిపాత్రాభినయం చేస్తున్న విషయం తెలిసిందే. రాశీఖన్నా, నివేదా థామస్ లు ఎన్టీఆర్ కు జోడీగా నటిస్తుండగా, కన్నడ నటుడు దునియా విజయ్ విలన్ గా నటిస్తున్నాడు. రాకింగ్ స్టార్ దేవీశ్రీ ప్రసాద్ మ్యూజిక్ అందిస్తున్నాడు. దసరాకు చిత్రం విడుదలయ్యే అవకాశం ఉంది.