మహిళల భద్రతకోసం యాప్!

Posted: 02/23/2015 04:04 PM IST

భారతదేశంలో రానురాను మహిళలపై అత్యాచారాలు, దారుణాలు మరింతగా పెరిగిపోతున్నాయి. లోకజ్ఞానం ఎరుగని మైనర్ బాలికల నుంచి వృద్ధాప్య వయసుకు దగ్గరపడుతున్న మహిళలపై మగాళ్లు మృగాళ్లుగా వ్యవహరిస్తున్నారు. ఈ నేపథ్యంలోనే వీటిని అరికట్టేందుకు ప్రభుత్వం వేగంగా పావులు కదుపుతోంది. మహిళల భ్రదతకోసం పెద్దపీట వేసింది. మహిళల భద్రత కోసం సరికొత్తగా ‘హిమ్మత్’ పేరిట ఓ యాప్ ను ప్రభుత్వం ప్రవేశపెట్టనున్నట్లుగా స్వయంగా రాష్ట్రపతి ప్రణబ్ ముఖర్జీ వెల్లడించారు. అలాగే బాలికల సంరక్షణ కోసం, పిల్లల విద్య కోసం ప్రత్యేక కార్యక్రమాన్ని చేపడుతున్నట్లుగా ఆయన స్పష్టం చేశారు. సోమవారం పార్లమెంటులో ప్రసంగించిన ప్రణబ్.. ఆ సందర్భంగా ఇలా పేర్కొన్నారు.

* మహిళల భద్రతకు ‘హిమ్మత్’ యాప్ ప్రవేశపెట్టామని ఆయన అన్నారు.
* ఆడపిల్లల విద్య, రక్షణ కోసం ‘బేటీ బచావ్ - బేడీ బడావ్’ కార్యక్రమాన్ని చేబడుతున్నట్లు తెలిపారు.
* మహిళలపై నేరాలను అరికట్టేందుకు అన్ని రాష్ట్రాల్లోనూ ప్రత్యేక కేంద్రాలు ఏర్పాటు చేస్తామని స్పష్టం చేశారు.
* మహిళల భ్రదతకోసం మరిన్ని పథకాలను త్వరలోనే అమలు చేయనున్నట్లు ఆయన అన్నారు.