బ్యాంకాక్ లో ‘పవర్ ’ చూపించబోతున్నాడు

Posted: 02/25/2014 12:44 PM IST

మాస్ రాజా రవితేజ ‘బలుపు ’ సినిమాతో మళ్ళీ ఫాంలోకి వచ్చిన విషయం తెలిసిందే. ఆ సినిమా విజయం తరువాత ఆచితూచి సినిమాలు కమీట్ అవుతున్న ఆయన ప్రస్తుతం బాబీ దర్శకత్వంలో ‘పవర్ ’ సినిమాలో నటిస్తున్న విషయం తెలిసిందే. ఈ సినిమా షూటింగ్ ప్రస్తుతం బ్యాంకాక్ లో జరుగుతుంది. అక్కడ రవితేజ పై భారీ యాక్షన్ సన్నివేశాలను చిత్రీకరించబోతున్నారు.

దీనికి సంబంధించిన సెట్టింగులు, ఏర్పాట్లు చకచకా జరిగిపోతున్నాయి. బ్యాంకాక్ షెడ్యూలు తరువాత కోల్ కత్తాలో నెల రోజుల పాటు భారీ షెడ్యూల్ ఉంటుందని చిత్ర యూనిట్ తెలిపింది. సగానికి పైగా షూటింగు పూర్తి చేసుకున్న ఈ సినిమాను సాధ్యమైనంత త్వరగా ప్రేక్షకుల ముందుకు తీసుకుచ్చేందుకు ప్రయత్నాలు చేస్తున్నారు. రవితేజ సరసన తొలిసారి హన్సిక జత కట్టింది. రచయిత నుండి దర్శకుడిగా మారుతున్న బాబీ రవితేజకు బ్లాక్ బస్టర్ ఇస్తాడో లేదో చూడాలి.