పూరీ తర్వాతి కమిట్ మెంట్లు ఏంటి?

Posted: 07/28/2017 05:55 PM IST

డ్రగ్స్ వ్యవహారంతో ఉక్కిరి బిక్కిరి అవుతున్న స్టార్ దర్శకుడు పూరీ జగన్నాథ్ ఆ ఎఫెక్ట్ సినిమాలపై పడకుండా చూసుకుంటున్నాడు. ప్రస్తుతం బాలయ్య బాబుతో పైసా వసూల్ చేస్తున్న పూరీ స్టంపర్ తో అంచనాలు పెంచేశాడు. స్టైలిష్ గా బాలయ్య మెరిపించిన మెరుపులకు ఫ్యాన్స్ ఫిదా అయిపోతున్నారు. ఎటోచ్చి ఈ సినిమా హిట్ అయితేనే పూరీ తర్వాతి ప్రాజెక్టు కన్ఫర్మ్ అయ్యే ఛాన్స్ ఉంది.

పూరీ జగన్నాథ్ ఇప్పటిదాకా నాగ్, ఇప్పుడు(బాలయ్య) తో మాత్రమే సినిమాలు చేశాడు. చిరుతో ఆటో జానీ మిస్సయిపోయింది. బాలయ్య కంటే ముందే నిజానికి ఇంకో హీరో వెంకటేశ్ తో సినిమా చేసే ఛాన్స్ వచ్చినా మిస్సయిపోయాడు. వెంకీ మార్కెట్ ను దృష్టిలో పెట్టుకుని భారీ బడ్జెట్ పెట్టేందుకు నిర్మాతలెవరూ ముందుకు రాకపోవటమే అందుకు కారణం. ఈ నేపథ్యంలో తన తర్వాతి ప్రాజెక్ట్ విక్టరీ హీరోతోనే ఉండే ఛాన్స్ ఉందన్న టాక్ వినిపిస్తోంది. 

అందుకు కారణం వెంకటేశ్ ఏ ప్రాజెక్టును ఓకే చేయకపోవటమే. అయితే పైసా వసూల్ హిట్ అయితేనే వెంకీ తో మూవీ పట్టాలెక్కే ఛాన్స్ ఉంది. స్క్రిప్ట్ ఎలాగో రెడీగా ఉంది కాబట్టి బాలయ్య సినిమా రిజల్ట్ పైనే పూరీ ఫ్యూఛర్ ప్రాజెక్టు ఆధారపడి ఉందన్న మాట.