రంగ స్థలం 1985 ... చిరు ఛాయిస్ కాదా?

Posted: 06/13/2017 04:08 PM IST

Chiru not okay with ram charan next title

మెగా పవర్ స్టార్ రాంచరణ్ సినిమాల విషయంలో చిరు హ్యాండ్ కంపల్సరీ ఉంటుంది. కథ ఎంపిక దగ్గరి నుంచి కాస్టింగ్ సెలక్షన్ దాకా మొత్తం మెగాస్టారే దగ్గరుండి మరీ చూసుకుంటుంటాడు. అదే సమయంలో తన సినిమాల విషయాన్ని మాత్రం చెర్రీ చేతులోనే పెట్టేశాడు. 150వ చిత్రం సక్సెస్ లో చెర్రీ స్ట్రాటజీ వర్కవుట్ అయ్యిందనే చెప్పాలి. అందుకే 151వ చిత్రం ఉయ్యలవాడ విషయంలో కూడా నిర్మాతగా కంటే మెగా తనయుడిగానే ఎక్కువ కేర్ తీసుకుని సన్నాహాలు చేస్తున్నాడు.

ఇదిలా ఉంటే రాంచరణ్ 11వ సినిమా సుకుమార్ దర్శకత్వంలో రూపొందుతున్న విషయం తెలిసిందే. రంగస్థలం 1985గా టైటిల్ కూడా ఈ మధ్యే అఫీషియల్ గా అనౌన్స్ అయ్యింది. కానీ, ఆ విషయంలో చిరు తీవ్ర అసంతృప్తితో ఉన్నట్లు సమాచారం. టైటిల్ ఏదో డబ్బింగ్ మూవీ లా ఉందని, పైగా మాస్ అప్పీల్ లేదని చెప్పినట్లు తెలుస్తోంది.

నిజానికి సినిమా టైటిల్ విషయంలో ముందు నుంచి చిరు పలు టైటిళ్లను సూచిస్తూ వస్తున్నాడు. పల్లెటూరి మొనగాడు, రుస్తుం ఇలా తన సినిమాలకు సంబంధించినవి వాడుకోమ్మని చెప్పాడంట. కానీ, దర్శకుడు సుకుమార్ మాత్రం ఆ విషయంలో అస్సలు కాంప్రమైజ్ కాలేదంట. పైగా చిరుకు టైటిల్ సమస్యపై పూర్తి వివరణ ఇవ్వటం, చెర్రీ కూడా ఆ విషయంలో సుక్కూ తోనే ఏకీభవించటంతో చివరకు చిరు కూడా రంగస్థలం 1985 టైటిల్ కే గ్రీన్ సిగ్నల్ పడి అనౌన్స్ అయ్యింది.