జయసుధ గొడవ బయటికెలా వచ్చింది?

Posted: 11/30/2016 04:17 PM IST

ఇప్పుడున్న యంగ్ జనరేషన్ తోటి ఆర్టిస్ట్ లకు కనీస గౌరవ మర్యాదలు తెలీదంటూ కొందరు సీనియర్లు బాహాటంగానే విమర్శలు చేయటం ఈ మధ్య తరచూ మనం చూస్తున్నాం. ఆ లెక్కన వారంతా చాలా కోపరేటివ్ అండ్ డిసిప్లిన్ అన్న భావనకు మాత్రం రాకండి. ఎందుకంటే సహజనటి జయసుధ మీద తాజాగా వస్తున్న ఆరోపణలే ఇందుకు ఊతం ఇస్తున్నాయి.

బిచ్చగాడు తెలుగు నిర్మాత చదలవాడ ప్రస్తుతం తెలుగులో ఓ రేర్ కాంబినేషన్ తో సినిమా తెరకెక్కించేందుకు ప్రయత్నం చేస్తున్నాడని కొంత కాలం నుంచి చెప్పుకుంటున్నాం. రెబల్ నటుడు ఆర్. నారాయణమూర్తి,  జయసుధ కానిస్టేబుల్ వెంకట్రామయ్య అనే సినిమాను అల్రెడీ షూటింగ్ ప్రారంభించాడు కూడా. అయితే ఉన్నట్లుండి ఈ సినిమా ఆగిపోయిందని, అందుకు జయసుధ ఆటిట్యూడే కారణమని చెప్పుకుంటున్నారు.

షూటింగ్ లకు ఆలస్యంగా వస్తున్న జయసుధ వైఖరితో విసిగిపోయిన చదలవాడ ఆమెపై అరవటంతో అసలు గొడవ మొదలై ఆమె సెట్స్ నుంచే కాదు, ఏకంగా సినిమా నుంచే వాకౌట్ చేసిందని చెబుతున్నారు. అత్యంత గోప్యంగా షూటింగ్ జరుపుకుంటున్న ఈ విషయం వెలుగులోకి ఎలా వచ్చిందన్న దానిపై మరో రూమర్ రేగుతోంది. బడ్జెట్ పరిధి దాటి పోతుండటంతోనే ఆమెను సైడ్ చేశారని అంటున్నారు. ఆమె డేట్లను డెయిలీ వారీగా తీసుకోవటంతోపాటు, అందుకు తగ్గట్లు రెమ్యునరేషన్ కూడా తడిసిమోపెడు అవుతుండటంతో కావాలనే ఆమెను తప్పించారన్న టాక్ వినిపిస్తోంది. ఒకవేళ అదే నిజమైతే జయసుధను తప్పించి ఆ స్థానంలో మరో నటిని తీసుకుని షూటింగ్ కానిస్తారేమో చూడాలి. లేదు ఒకవేళ జయసుధే కంటిన్యూ అయ్యిందనుకోండి అదంతా రూమరే అనుకోవాల్సి ఉంటుంది.