బ్రూస్ లీ హీరోయిన్ తో వరుణ్ రొమాన్స్?

Posted: 11/28/2015 12:26 PM IST

‘ముకుంద’, ‘కంచె’ చిత్రాల తర్వాత మెగా హీరో వరుణ్ తేజ హీరోగా నటించిన ‘లోఫర్’ సినిమా విడుదలకు సిద్ధమవుతున్న విషయం తెలిసిందే. టాలీవుడ్ ఎనర్జిటిక్ డైరెక్టర్ పూరీ జగన్నాథ్ దర్శకత్వంలో తెరకెక్కుతున్న ఈ చిత్రం త్వరలోనే ప్రేక్షకుల ముందుకు రానుంది. ఇందులో వరుణ్ సరసన దిశా పటానీ హీరోయిన్ గా నటించింది.

‘లోఫర్’ తర్వాత వరుణ్ హీరోగా గోపిచంద్ మలినేని దర్శకత్వంలో ఓ చిత్రం తెరకెక్కనుంది. ఈ చిత్రాన్ని ప్రముఖ నిర్మాత నల్లమలుపు శ్రీనివాస్(బుజ్జి) నిర్మించనున్నారు. ఇందులో వరుణ్ సరసన హీరోయిన్ గా రకూల్ ప్రీత్ సింగ్ ను ఎంపిక చేసినట్లుగా తెలిసింది. రకూల్ ఇప్పటికే మెగా పవర్ స్టార్ రాంచరణ్ తో కలిసి ‘బ్రూస్ లీ’ చిత్రంలో నటించింది. అలాగే ప్రస్తుతం అల్లు అర్జున్ తో కలిసి ‘సరైనోడు’ సినిమాలో నటిస్తుంది.

వరుణ్-రకూల్ ల పెయిర్ బాగుంటుందని, అలాగే ఈమధ్య రకూల్ నటిస్తున్న సినిమాలన్నీ కూడా విజయం సాధిస్తుండటంతో రకూల్ ను వరుణ్ సినిమా కోసం ఎంపిక చేసినట్లుగా తెలిసింది. ఇదే నిజమైతే మెగా హీరోయిన్ల జాబితాలోకి రకూల్ చేరడం ఖాయం. త్వరలోనే ఈ ప్రాజెక్టుకు సంబంధించిన అన్ని వివరాలను అధికారికంగా ప్రకటించనున్నారు.