మకాం మార్చేసిన లేడీ బెంగాల్ టైగర్

Posted: 11/26/2015 03:40 PM IST

పాలరాతి శిల్పానికి ప్రాణం వస్తే ఎలా వుంటుందో అచ్చం అలాగే వుంటుంది బబ్లీ బ్యూటీ రాశిఖన్నా. పాలవలె తెల్లటి రంగు, చూడటానికి ముద్దుగా, బొద్దుగా కనిపించే అందం, యూత్ ను కట్టిపడేసే గ్లామర్... సినిమాలకు కావాలసిన హాట్ హాట్ హంగులు, సొగసులతో పాటు యాక్టింగ్ ఈ అమ్మడి సొంతం.

ఈ అమ్మడు నటిస్తున్న సినిమాలు విజయం సాధిస్తుండటమే కాకుండా యూత్ లో రాశిఖన్నాకు మంచి క్రేజ్ ఏర్పడింది. దీంతో యువ హీరోలంతా కూడా రాశిఖన్నాను తమ సినిమాల్లో హీరోయిన్ గా తీసుకోవడానికి తెగ ఆరాటపడుతున్నారు. టాలీవుడ్ నిర్మాతలు కూడా రాశిఖన్నా డేట్స్ కోసం ప్రయత్నిస్తున్నారు. కానీ ఈ అమ్మడు మాత్రం తనకు పెరిగిన ఈ డిమాండ్ ను దృష్టిలో పెట్టుకొని రెమ్యునరేషన్ కాస్త పెంచేసిందట. అయినా కూడా నిర్మాతలు ఈ అమ్మడి డేట్స్ కోసం ఎదురుచూస్తున్నట్లుగా తెలిసింది.

మరి టాలీవుడ్ లో ఇలా వరుస ఆఫర్లతో బిజీగా వున్న ఈ అమ్మడు ఓ నిర్ణయం తీసుకున్నట్లుగా తెలిసింది. అదేంటంటే... ఇకనుంచి టాలీవుడ్ లోనే వుండాలని అనుకుంటుందట. అంటే సినిమా షూటింగ్ కోసం ఢిల్లీ నుంచి రావడం, ఆ తర్వాత హోటల్లో వుండటం, షూటింగ్ అయిపోయిన తర్వాత మళ్లీ ఢిల్లీ వెళ్లిపోవడం చాలా రిస్క్ అవుతోందట.

అందుకే హైదరాబాద్ లోనే ఓ అందమైన ఇల్లు కొనేసిందట రాశిఖన్నా. ఈ ఇంట్లో తన కుటుంబ సభ్యులతో కలిసి వుండనుందని తెలిసింది. ఇక రాశిఖన్నా హైదరాబాద్ కే మకాం మార్చేస్తోందని సమాచారం. మొత్తానికి టాలీవుడ్ దర్శకనిర్మాతలకు, హీరోలకు అందుబాటులో వుండేందుకు రాశిఖన్నా మంచి నిర్ణయమే తీసుకున్నట్లుగా అనిపిస్తోంది. ప్రస్తుతం ఈ అమ్మడు నటించిన ‘బెంగాల్ టైగర్’ చిత్రం విడుదలకు సిద్ధంగా వుంది. త్వరలోనే ప్రేక్షకుల ముందుకు రానుంది.