సూపర్ స్టార్ సినిమాలో బిగ్ బి?

Posted: 11/06/2015 09:51 AM IST

శంకర్ దర్శకత్వంలో సూపర్ స్టార్ రజినీకాంత్ హీరోగా ‘రోబో’ చిత్రం తెరకెక్కి, భారీ విజయం సాధించిన విషయం తెలిసిందే. తెలుగు, తమిళం, హిందీ భాషలలో ప్రపంచ వ్యాప్తంగా విడుదలై కలెక్షన్ల వర్షం కురిపించింది. అయితే ప్రస్తుతం ఈ చిత్రానికి సీక్వెల్ ను తెరకెక్కించడానికి శంకర్ సిద్ధమవుతున్నారు. భారీ అంచనాలతో రూపొందనున్న ఈ సినిమాలో బిగ్ బీ ఎంట్రీతో తారాస్థాయికి చేరనున్నాయి.

సూపర్ స్టార్ రజనీకాంత్ కు, బాలీవుడ్ బిగ్ బీ అమితాబ్ బచ్చన్ లకు మధ్య మంచి స్నేహబంధం వున్న విషయం తెలిసిందే. ఆ స్నేహంతోనే ‘రోబో2’లో ఓ కీలక పాత్రలో నటించడానికి బిగ్ బీ అంగీకరించినట్లుగా తెలిసింది. ఇటీవలే ‘రోబో2’లోని ఓ పాత్ర కోసం అమితాబ్ ని దర్శకుడు శంకర్ కలిసాడని, అందుకు అమితాబ్ కూడా సానుకూలంగా స్పందిస్తూ గ్రీన్ సిగ్నల్ ఇచ్చినట్లుగా తెలుస్తోంది.

ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు, నటీనటుల ఎంపికలో శంకర్ బిజీగా వున్నాడు. హాలీవుడ్ స్టార్ హీరో ఆర్నాల్డ్ ఇందులో విలన్ పాత్రలో నటించనున్నారని వార్తలొస్తున్నాయి. కానీ ఆర్నాల్డ్ వల్ల బడ్జెట్ భారీగా పెరిగిపోయే అవకాశాలు వుండటంతో అతనిని తప్పించి వేరే హీరోను ఎంపిక చేసేందుకు శంకర్ ప్రయత్నిస్తున్నట్లుగా సమాచారం. త్వరలోనే అన్ని వివరాలు అధికారికంగా ప్రకటించనున్నారు.