ఆరోగ్య సమస్యల వల్లే ఆకాశ్ ఆలస్యం...?

Posted: 12/19/2014 11:32 AM IST

ప్రముఖ డైరెక్టర్ పూరీ జగన్నాధ్ తనయుడు ఆకాష్ సినిమా ప్రారంభమైన విషయం తెలిసిందే. ‘ఆంధ్రాపోరి’ టైటిల్ తో వస్తున్న ఈ సినిమా పూజా కార్యక్రమాలు గురువారమే జరిగాయి. జనవరిలో సినిమా షూటింగ్ ప్రారంభం కానుంది. టాలీవుడ్ కు వస్తున్న కొత్త హీరోను అందరూ ఆశీర్వదించారు. అయితే ‘ఆకాష్’ హీరోగా ఎంట్రీ ఇస్తాడని రెండు నెలల క్రితమే చెప్పారు. ఈ విషయమై పూరిని వివరణ కోరగా.., అవును సినిమా చేస్తాడు. అయితే ఇప్పుడు కాదు. ప్రస్తుతం చదువుకుంటున్నాడు. అని చెప్పాడు. కాని విద్యా సంవత్సరం పూర్తి కాకముందే సినిమా మొదలు పెట్టాడు. అప్పుడు ఎందుకు చేయలేదు.., ఇప్పుడు ఎందుకు ప్రారంభించారు అని ఆరాతీస్తే అసలు విషయం బయట పడింది.

పూరీ జగన్నాథ్ తనయుడికి రెండు నెలల క్రితం ఆరోగ్య సమస్య ఉందట. కీళ్లకు సంబంధించిన సమస్య తో బాధపడినట్లు సన్నిహితులు తెలిపారు. అలా ఇబ్బందులు పెట్టుకుని ఇండస్ర్టీలోకి వస్తే బాగోదు.., అంతేకాకుండా అవకాశాలు ఎక్కువైతే చికిత్స చేయించుకోవటానికి కూడా సమయం ఉండక ఇబ్బందులు, ఆ సమయంలో వచ్చే పుకార్లను భరించలేము. కాబట్టి ముందే చికిత్స చేయించుకోవటం ఉత్తమంగా భావించి.., హైదరాబాద్ లోని ప్రముఖ డాక్టర్ దగ్గర పిజియోథెరపీ చేయించుకున్నాడని తెలిసింది. రోజు వెళ్ళి చికిత్సా చేయించుకున్నాడు. ఆ తర్వాత కీళ్ల సమస్య లేకపోవటంతో సినిమా మొదలు పెట్టారని తెలుస్తోంది.

అయితే ఈ కీళ్ళ సమస్య పెద్ద ఇబ్బందికరమైనదేమి కాదు.., కాకపోతే షూటింగ్ సమయంలో యాక్షన్ సీన్లు, డాన్స్ చేయాల్సి వస్తే కీళ్లు ఇబ్బంది పెడితే తట్టుకోవటం కష్టం. దీనికి తోడు ఇతర ఇబ్బందులు కూడా వస్తాయని ముందుజాగ్రత్తగా ఇబ్బంది చిన్నదైనా చికిత్స ఇప్పించారు. ప్రస్తుతం పర్ ఫెక్ట్ అండ్ హెల్తీగా ఉన్న ఆకాష్ త్వరలోనే షూటింగ్ మొదలు పెట్టనున్నాడు. ఉల్కా గుప్తాతో ‘ఆంధ్రా పోరీ’ అంటూ ఆడి, పాడి అందర్నీ ఆలరించేందుకు సిద్దమవుతున్న ఈ యువ హీరోకు ‘తెలుగు విశేష్’ ఆల్ ది బెస్ట్ చెప్తోంది.

కార్తిక్