నయన్ - ఆర్య పెళ్ళైయిపోయిందా ?

Posted: 04/22/2013 07:36 PM IST

సినిమా ఇండస్ట్రీలో సినిమా వాళ్ల మీద ఎప్పుడు ఏదో ఒక పుకారు పుడుతూనే ఉంటుంది. వాటిళ్లో ఎంత నిజం ఉంటుందో కూడా తెలియదు. ఈ మధ్య కాలంలో హీరోయిన్ నయనతార మీద పుకార్లు డైలీ సీరియల్స్ లాగా పుడుతూనే ఉన్నాయి. ఆ మధ్య ప్రభుదేవాతో ప్రేమాయణం తరువాత పెళ్లంటూ, తరువాత పెటాకులు అంటూ రకరకాల వార్తలు సంచరించాయి. ఈ వార్తలు జనాలకు ఓ మెగా సీరియల్ చూసినదానితో సమానం అయ్యింది. ఆ తరువాత నయన్ మళ్లీ సినిమాల్లో బిజీ కావడం, ప్రభుదేవా బాలీవుడ్ కు చెక్కేయడం జరిగింది. ఇక కథ సఖాంతం అయిందనుకుంటున్న తరుణంలో మళ్లీ నయనతార పై గాలి వార్తలు అకాల తుఫాన్ లాగా వచ్చిపడ్డాయి. తమిళ హీరో ఆర్యతో నయన్ పీకల్లోతు ప్రేమలో మునిగిందని, ఆర్య కూడా నయన్ పై ప్రత్యేక శ్రద్ద కనబరుస్తున్నాడని తమిళ వర్గాల్లో ప్రచారం జరిగింది. ఇప్పుడు తాజాగా వినిపిస్తున్న వార్త ఏంటంటే వీరిద్దరు ఫూణెలో రహస్యంగా పెళ్లి చేసుకున్నారని. అయితే ఈ వార్తలతో విసిగిపోయిన సినీ జనాలు ఆమెకు వేరే ఏం పనిలేదా అని చిరాకు పడుతున్నారు. ఈ వార్తలకు పుల్ స్టాప్ పెట్టాలంటే దీని పై ఎవరో ఒక్కరు నోరు విప్పాల్సిందే.