రోడ్డుపక్కన గుడిసె హోటల్ లో అల్లు అర్జున్ టిఫిన్..

Posted: 09/13/2021 01:22 PM IST

ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో రూపోందుతున్న 'పుష్ప' షూటింగ్ వేగంగా సాగుతోంది. మైత్రీ మూవీ మేకర్స్ సారథ్యంలో నిర్మిస్తున్న ఈ సినిమా, చిత్రీకరణ పరంగా ముగింపు దశకి చేరుకుంది. ఈ నెలతో షూటింగు పార్టును పూర్తిచేసుకోనుంది. దేవిశ్రీ ప్రసాద్ ఈ సినిమాకి సంగీత దర్శకుడిగా వ్యవహరించాడు. ఈ సినిమాలో గీతా గోవిందం బ్యూటీ అందాల రష్మిక మందన అల్లు అర్జున్ సరసన చేరి రోమాన్స్ చేయనుంది. ఇప్పటికే విడుదలైన ఫస్ట్ సింగిల్ 'దాక్కో దాక్కో మేక..' టాప్ టెన్ లో నిలిచింది.

చంద్రబోస్ సాహిత్యం.. శివమ్ గాత్రం.. ఈ పాటను మరింత హిట్ చేశాయి. ఈ విషయాలను పక్కనబెడితే ఐకాన్ స్టార్ అల్లు అర్జున్.. బాన్ విత్ గోల్డన్ స్పూన్ అని చెప్పక తప్పదు. అలాంటి హీరో రోడ్డ పక్కన చిన్న గుడిసె హోటల్ లోకి వెళ్లి అక్కడి టీ తాగడం అంటే నమ్మశక్యమా.? సర్లే ఊరుకోండి.. అంతపెద్ద హీరో చిన్న గుడిసె హోటల్ లోకి వెళ్లి టిఫిన్ చేయడంతో పాటు టీ తాగాడు. ఇందుకు సంబంధించిన ఓ వీడియో తెగ వైరల్ అవుతోంది. దీంతో బన్ని ఫ్యాన్స్ మస్తు ఖుషీ అవుతున్నారు.

అల్లు అర్జున్ ఆగర్భశ్రీమంతుడే అయినా.. ఆయన మాత్రం నేలపైనే నిలబడే నిరాడంబరత కలిగిన వ్యక్తి అని అయన అభిమానులు ట్వీట్లు చేస్తున్నారు. ప్ర‌స్తుతం అల్లు అర్జున్ పుష్ప సినిమాలో న‌టిస్తోన్న విష‌యం తెలిసిందే. ఈ సినిమా షూటింగ్ ప‌నుల్లో భాగంగా అల్లు అర్జున్ ప‌లువురితో క‌లిసి తూర్పు గోదావరి జిల్లా గోకవ‌రం మీదుగా వెళ్తున్నాడు. ఆ స‌మ‌యంలో రోడ్డు ప‌క్క‌న ఎన్టీఆర్ విగ్ర‌హం వ‌ద్ద‌ చిన్న హోట‌ల్ క‌న‌ప‌డ‌డంతో కారు ఆపి అందులోకి వెళ్లారు. టిఫిన్ చేసిన త‌ర్వాత బిల్ చెల్లించి బ‌న్నీ మ‌ళ్లీ కారు ఎక్కి వెళ్లిపోయాడు.