‘‘నాయనా..! రారా ఇంటికి’’ చిత్రం హీరోగా అవసరాల..

Posted: 02/18/2019 07:43 PM IST

Srinivas avasarala plays lead role in nayana rara intiki

అవసరాల శ్రీనివాస్ ఒక వైపున దర్శకుడిగా .. మరో వైపున నటుడిగా తన సత్తా చాటుకున్నాడు. దర్శకుడిగా తన తదుపరి సినిమాకి ఏర్పాట్లు చేసుకుంటూనే, నటుడిగా తనకి నచ్చిన కథలకి ఓకే చెప్పేస్తున్నాడు. ఈ నేపథ్యంలోనే ఆయన బాల రాజశేఖర్ దర్శకత్వంలో .. ప్రదీప్ నిర్మాణంలో ఒక సినిమా చేయడానికి గ్రీన్ సిగ్నల్ ఇచ్చేశాడు.

ఈ సినిమాకి 'నాయనా ..! రారా ఇంటికి'( ఎన్ ఆర్ ఐ) అనే టైటిల్ ను ఖరారు చేసుకున్నారు. ఈ సినిమాలో అవసరాల సరసన నాయికగా మహతి తెలుగు తెరకి పరిచయమవుతోంది. ఇక నాగబాబు .. మంచు లక్ష్మి ఈ సినిమాలో ముఖ్యమైన పాత్రల్లో కనిపించనున్నారు. ఈ నెల 20వ తేదీన ఉదయం 11 గంటల 30 నిమిషాలకి, హైదరాబాద్ - అన్నపూర్ణ స్టూడియోలో ఈ సినిమాను లాంచ్ చేయనున్నారు.