యాక్షన్ జాక్సన్ ట్రైలర్

Posted: 10/22/2014 06:20 PM IST

బాలీవుడ్ లో సౌత్ సినిమాల రీమేక్ హిట్ దర్శకుడు ప్రభుదేవా. సౌత్ లో బ్లాక్ బస్టర్ హిట్టయిన చిత్రాలను బాలీవుడ్ లో రీమేక్ చేసి, బాలీవుడ్ టాప్ కమర్షియల్ దర్శకులలో ఒకరిగా స్థానం సంపాదించుకున్నాడు. ఇటీవలే ప్రభుదేవా దర్శకత్వం వహించిన ‘రాజ్ కుమార్’ చిత్రం కమర్షియల్ గా హిట్ సాధించకపోయినా.. దర్శకుడిగా మాత్రం మరోసారి తన సత్తా ఏంటో చూపించాడు.

ప్రస్తుతం ప్రభుదేవా దర్శకత్వంలో తెరకెక్కుతున్న తాజా చిత్రం ‘యాక్షన్ జాక్సన్’. అజయ్ దేవగన్, సోనాక్షి సిన్హా జంటగా నటిస్తున్న ఈ చిత్రం ఫస్ట్ లుక్ పోస్టర్, ట్రైలర్ ను తాజాగా విడుదల చేసారు. ఈ ట్రైలర్ లో అజయ్ దేవగన్ యాక్షన్, డాన్స్ అదిరిపోయింది. అజయ్ కత్తి పట్టుకొని స్టైలిష్ యాక్షన్ చేస్తూ చించేసాడు. అలాగే అజయ్, సోనాక్షిల జంట చాలా బాగుంది. మరోసారి ప్రభు ఈ ‘యాక్షన్ జాక్సన్’ చిత్రంతో బాలీవుడ్ లో మాస్ స్టైలిష్ యాక్షన్ ఎంటర్ టైనర్ గా చిత్రంతో త్వరలోనే ప్రేక్షకుల ముందుకు రాబోతున్నాడని అర్థమవుతోంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నాడు. ఈ చిత్ర ట్రైలర్ మీకోసం.