నిమ్మకాయతో చర్మఛాయను మార్చుకోండిలా...

Posted: 11/22/2014 04:36 PM IST

ముఖవర్ఛస్సును మరింతగా మెరుగుపర్చుకోవడం కోసం ఏ బ్యూటీపార్లర్’కుగానీ, ఇతర క్రీములు వాడుకోకుండానే నిమ్మకాయరసంతో ఇంట్లోనే తయారుచేసుకునే కొన్ని రెమెడీలను చేసుకోవచ్చు. నిమ్మకాయలో చర్మసౌందర్యానికి కావలసిన విటమిన్లు, ఇతర ఖనిజాలు పుష్కలంగా వుంటాయి. అటువంటి నిమ్మాకాయరసంలో పోషక విలువలున్న ఇతర పదార్థాలను జోడించి ముఖానికి పట్టించే.. కాంతివంతమైన సహజ సౌందర్యాన్ని సొంతం చేసుకోవచ్చు. అంతేకాదు.. ముఖంపై వున్న మొటిమలను, నల్లటి ఛాయలను, మచ్చలను శాశ్వతంగా దూరం చేసుకోవచ్చు. మరి నిమ్మకాయ రసంతో తయారుచేసుకునే ఆ రెమెడీస్ ఏంటో ఒకసారి తెలుసుకుందాం...

1. నిమ్మకాయను రెండు భాగాలుగా చేసుకుని, వాటిపై ఉప్పు లేదా పంచదారను అద్దుకోవాలి. దానిని ముఖం మీద సర్కులర్ మోషన్ లో రుద్దాలి. 10 నిముషాల తర్వాత చల్లని నీటితో శుభ్రం చేసుకోవాలి.

2. ఒక గిన్నెలో కొద్దిమోతాదులో పెరుగును తీసుకుని, అందులో ఒక చెంచా నిమ్మరసం వేసి కలుపుకోవాలి. ఆ మిశ్రమాన్ని ముఖానికి మాస్క్’లా వేసుకోవాలి. వారానికి ఒకసారి చేసుకుంటే మంచిది.

3. గుడ్డులోని తెల్లసొనను నిమ్మరసంలో మిక్స చేసి బాగా కలుపుకోవాలి. ఆ మిశ్రమాన్ని ముఖానికి, మెడపై అప్లై చేసుకోవాలి. 15 నిముషాల తర్వాత గోరువెచ్చని నీటితో శుభ్రం చేసుకోవాలి.

4. కొద్ది మోతాదులో నిమ్మరసాన్ని తీసుకుని అందులో ఒక చెంచా తేనెను మిక్స్ చేసుకోవాలి. ఆ మిశ్రమాన్ని ముఖానికి అప్లై చేసి, అరగంట తర్వాత గురోవెచ్చని నీటితో శుభ్రం చేసుకోవాలి.

5. ఒక కప్పు పాలలో కొద్దిగా నిమ్మరసాన్ని వేసి బాగా మిక్స్ చేసుకోవాలి. దీనిని ముఖానికి, మెడకు రాసుకోవాలి. కొద్దిసేపటి తర్వాత శుభ్రం చేసుకోవాలి. ఇలా చేస్తే.. ముఖంమీదున్న మొటిమలు, మచ్చలు పూర్తిగా మాయమవుతాయి.

6. ఒక గ్లాసులో కొద్దిగా ఆలివ్ ఆయిల్’ని తీసుకుని అందులో కొద్దిగా నిమ్మరసాన్ని జోడించుకోవాలి. ఈ మిశ్రమాన్ని ముఖానికి పట్టించుకుని, 20 నిముషాల తర్వాత శుభ్రం చేసుకోవాలి. దీంతో చర్మం చాలా సాఫ్ట్’గా మారుతుంది.

7. గ్లాసులో కొద్దిగా రోజ్ వాటర్’ను తీసుకుని అందులో ఒక చెంచా నిమ్మరసాన్ని మిక్స్ చేసుకోవాలి. ముఖానికి పట్టించిన అరగంట తర్వాత గోరువెచ్చని నీటితో శుభ్రం చేసుకోవాలి.