తొడలను సన్నగా మార్చుకునే టిప్స్

Posted: 11/26/2014 04:47 PM IST

ప్రస్తుత యంగ్ జనరేషన్’లో వున్న యూత్ అందరూ తమ శరీరాకృతిని అందంగా మలుచుకోవడానికి నానాతంటాలు పడుతుంటారు. ఎక్కువ లావు కాకుండా జీరో సైజ్ బాడీలను మెయింటెయిన్ చేస్తుంటారు. కడుపుకు అన్నం లేకపోయినా సరే... శరీరాకృతి మాత్రం పాడవకూడదనే నిర్ణయంతో ఎన్నో జాగ్రత్తలు పాటిస్తుంటారు. శరీరాకృతిని సన్నగా మలుచుకోవడం మంచిదేకానీ.. మరీ ఆహారం తీసుకోకుండా వుంటే మాత్రం చాలా ప్రమాదకరమే! ఇక లావుగా వున్నవాళ్లు కూడా అంతే! తాము ఎక్కువగా లావుగా వున్నామనే బాధతో ఇతురుల్లాగే తిండీ, తిప్పలు మానేసి ఏవేవో వ్యాయామాలు చేస్తుంటారు. నిజానికి లావుగా వున్నవాళ్లకు ఆరోగ్య సమస్యలు చాలా వస్తాయి. కాబట్టి పోషక విలువలు కూడిన ఆహారంతో తగిన సూత్రాలను పాటిస్తే లావు తగ్గొచ్చు. ఇక తొడల విషయానికొస్తే.. వాటికి కొన్ని ప్రత్యేకమైన వ్యాయామాలు వుంటాయి. వాటిని తరుచూ పాటిస్తే.. ఎక్కువగా లావు వున్న తొడలను త్వరలోనే తగ్గించుకోవచ్చు. మరి.. ఆ పద్ధతులేంటో చూద్దాం..

1. ముందుగా నిటారుగా నిల్చుని పాదాలను 30 సెంటి మీటర్ల దూరం వుంచుకోవాలి. అనంతరం పిరుదులపైన రెండు చేతులు (బొటనవేళ్ళు ముందుకు ఉండే విధంగా) వుంచుకోవాలి.

2. ఇలా చేసిన తర్వాత ముప్పై సెకనులు పొత్తి కడుపుని క్లాక్’వైస్’గా తిప్పాలి. తర్వాత వ్యతిరేక దిశ(యాంటీక్లాక్ వైజ్)లో ముప్పై సెకనులు తిప్పాలి. ఈ విధంగా ఆరు సార్లు చెయ్యండి. అయితే ఈ వ్యాయమం చేసేటప్పుడు పాదాలు నేలకు సమాంతరంగా ఉండేలా చూసుకోవాలి.

3. కుడి తొడని మీకు సౌకర్యవంతమైన దూరంగా (ముందువైపుకు) ఉంచి మీ పొత్తికడుపును క్లాక్’వైస్’గా ముప్పై సెకనులు తిప్పాలి. తర్వాత వ్యతిరేక దిశలో మరొక ముప్పై సెకనులు తిప్పాలి. అనంతరం పూర్తి చేసాక యథాస్థితికి వచ్చేయొచ్చు.

4. ఇప్పుడు ఎడమ తొడని ముందుకు పెట్టి, పొత్తికడుపును క్లాక్’వైస్’గా ముప్పై సెకనులు తిప్పాలి. అనంతరం వ్యతిరేక దిశలో ముప్పై సెకనులు తిప్పాలి.

5. ఇప్పుడు పాదాలు కదపకుండా మీ పొత్తికడుపుని కుడి వైపు 15 నుండి 20 సెంటి మీటర్లు కదపాలి.

6. శరీరాన్ని ముప్పై సెకనులు క్లాక్’వైస్’గా తిప్పాలి. బాలన్స్ తప్పకుండా జాగ్రత్త వహిస్తూ వ్యతిరేక దిశలో మరొక ముప్పైసెకనులు తిప్పిన అనంతరం పొత్తికడుపుని మధ్యలోకి తీసుకురావాలి.

7. పొత్తికడుపుని ఎడమ వైపుకు కదిపి పైన చెప్పిన విధంగా వ్యాయామం మరోసారి చేయాలి. పూర్తీ చేసాక పొత్తికడుపుని మధ్యలోకి వుంచుకోవాలి.

ఇలా ఈ విధంగా ప్రతిరోజూ మొదటినుంచి చివరి వరకు వ్యాయామం ఆపకుండా చేస్తే.. త్వరలోనే మంచి ఫలితం ఉంటుంది. ఈ వ్యాయామంలో ముఖ్యంగా శరీరాన్ని తిప్పే వ్యాసం మీ శరీర సౌకర్యాన్ని బట్టి ఉండి సాధన చేసే కొద్దీ పెరుగుతుంది.