నేను పోటీ చేయడం లేదు: కేజ్రీ

Posted: 01/21/2015 06:02 PM IST

Aravind kejriwal submitted new delhi assemly nomination press meet

ఢిల్లీ అసెంబ్లీ ఎన్నికల పోటీలో పాలుపంచుకుంటున్న పార్టీలన్నీ ఒకదానిమీదొకటి తీవ్రంగా విమర్శలు గుప్పించుకుంటున్న విషయం తెలిసిందే! ముఖ్యంగా బీజేపీ, ఆప్ (ఆమ్ ఆద్మీ పార్టీ) పార్టీలైతే ఆరోపణలు చేసుకుంటున్నాయి. బీజేపీ సీఎం అభ్యర్థిగా ఎన్నికైన కిరణ్ బేడీ గతంలో కేజ్రీవాల్’తో కలిసి అన్నాహజారే ఉద్యమంలో పాల్గొన్న విషయం విదితమే! అయితే మోడీ ప్రవేశపెట్టిన విధానాలకు తాను ఆకర్షితురాలినయ్యానంటూ బేడీ బీజేపీలోకి జంప్ అయ్యారు. దీంతో కేజ్రీకి, ఆమెకు మధ్య గట్టి పోటీ ఏర్పడింది.

ఇక ఎన్నికల సమయం దగ్గరపడుతున్న నేపథ్యంలో బరిలో వున్నవారందరూ అసెంబ్లీ స్థానానికి నామినేషన్లు వేసుకుంటున్నారు. ఇందులో భాగంగానే ఆప్ అధినేత కేజ్రీవాల్ బుధవారం న్యూఢిల్లీ అసెంబ్లీ స్థానానికి నామినేషన్ వేశారు. అనంతరం ఆయన మీడియాతో మాట్లాడారు. విచిత్రం ఏమిటంటే.. ఆయన ఏ పార్టీ మీద ఆరోపణలు గుప్పించకుండా తనదైన రీతిలో అభిప్రాయాలను వెల్లడించారు. తాను పార్టీకో, వ్యక్తికో వ్యతిరేకంగా పోటీ చేయడం లేదంటూ తెలిపిన ఆయన.. మరిన్ని అభిప్రాయాలను వెల్లడించారు.

* ఢిల్లీ ఎన్నికల పోరులో తాను ఒక పార్టీకి లేదా వ్యక్తికి వ్యతిరేకంగా పోటీ చేయడం లేదని కేజ్రీవాల్ స్పష్టం చేశారు.
* గత ఎన్నికల్లో తన పార్టీకి పరిమిత స్థానాలు కట్టబెట్టిన ఢిల్లీ ప్రజలు.. ఈసారి పూర్తి మెజారిటీ అందించాలని కోరారు.
* గతంలో చేసిన పొరబాట్లు మళ్లీ దొర్లకుండా చూసుకుంటానని, తన సాయశక్తుల ప్రయత్నించి అవినీతికి వ్యతిరేకంగా పోరాడుతానని కేజ్రీ హామీ ఇచ్చారు.
* ప్రస్తుతం పెరుగుతున్న ధరలకు పూర్తిగా వ్యతిరేకంగా పోరాడుతానని చెప్పిన ఆయన.. పెరిగిన ధరలన్నింటినీ తగ్గిస్తానని హామీ ఇచ్చారు.