టీఆర్ఎస్.. ఒక చేతకానీ పార్టీ!

Posted: 10/11/2014 04:16 PM IST

టీడీపీ, టీఆర్ఎస్ పార్టీల మధ్య విభేదాలు ఎప్పటినుంచో వున్న విషయం తెలిసిందే! టీఆర్ఎస్ పార్టీ నాయకులు టీడీపీవాళ్లమీదే విమర్శలు గుప్పిస్తే... ఆ మరుక్షణమే వీళ్లు కూడా తమదైన రీతిలో ఆ పార్టీ నాయకుల మీద విమర్శల జల్లులు కురిపించిడం సాధారణం అయిపోయింది. పాత విషయాలు పక్కనపెడితే.. తాజాగా తెలంగాణ రాష్ట్రంలో వున్న విద్యుత్ సంక్షోభం మీద ఈ రెండుపార్టీలు పోటాపోటీగా విమర్శల మీద విమర్శలు చేసుకుంటున్నారు. ఈ నేపథ్యంలోనే టీడీపీ నేత ఎర్రబెల్లి దయాకరరావు.. తనదైన శైలిలో తెలంగాణ రాష్ట్ర ప్రభుత్వం సంచలన వ్యాఖ్యలను సంధించారు. టీఆర్ఎస్ పార్టీకి సమస్యలను పరిష్కరించడం చేతకాకపోవడం వల్లే తప్పుడు హామీలు ఇస్తూ ప్రజలను మభ్యపెడుతోందని ఆయన అన్నారు. ఇంకా ఆయన ఏమన్నారంటే...

ప్రస్తుతం తెలంగాణాలో వున్న విద్యుత్ సమస్యకు టీఆర్ఎస్ నేతలే కారణమని ఆయన మండిపడ్డారు.
విద్యుత్ సంక్షోభాన్ని పరిష్కరించడం చేతకాకపోవడం వల్ల తప్పుడు హామీలు ఇస్తోందని అన్నారు.
విద్యుత్ సంక్షోభాన్ని పరిష్కరించడం చేతకాకపోతే.. విద్యుత్ శాఖను నెలరోజులపాటు టీడీపీకి అప్పగించాలని... సమస్యను తాము పూర్తిగా రూపుమాపుతామని ఛాలెంజ్ చేశారు.
వ్యవసాయానికి 9 గంటల నాణ్యమైన విద్యుత్ అందజేస్తామని అన్నారు.
తాము ఇచ్చిన హామీలను నెరవేర్చకపోతే.. రాజకీయ సన్యాసం తీసుకుంటామని పేర్కొన్నారు.
విద్యుత్ సమస్యపై చర్చించడానికి తాము సిద్ధంగా వున్నామని.. ఇందుకు టీఆర్ఎస్ సిద్ధంగా వుందా..? అంటూ సవాలు విసిరారు. కావాలంటే స్థలం - సమయం టీఆర్ఎస్ నేతలే ఫిక్స్ చేసుకోవాలని అన్నారు.

AS