టీడీపీ కుంటిసాకులు వెదుకుతోంది : రఘువీరా

Posted: 07/09/2014 03:55 PM IST

(Image source from: apcc chief raghuveera reddy comments on chandrababu naidu)

* బుధవారంనాడు మీడియా సమావేశంలో పాల్గొన్న ఏపీసీసీ చీఫ్ రఘువీరారెడ్డి... టీడీపీ పార్టీ అధ్యక్షుడు, ముఖ్యమంత్రి చంద్రబాబు నాయుడుపై కొన్ని ఘాటు విమర్శలు చేశారు.

* టీడీపీ పార్టీ ఎన్నికలకు ముందు ఒకరకంగా, ఎన్నికల అనంతరం అధికారంలోకి వచ్చిన తరువాత మరోరకంగా వ్యవహరిస్తోందని ఆయన ఆరోపణలు చేశారు.

* రైతులకు రుణమాఫీకి ముందు ఎలాంటి షరతులు విధించరాదని ఆయన కోరారు.

* ఎన్నికల ముందు రైతులకు రుణాలన్నింటినీ మాఫీ చేస్తామని మాటిచ్చిన టీడీపీ పార్టీ... ఇప్పుడు దాని నుంచి ఎలా తప్పించుకోవాలా అని కుంటిసాకులు వెదుకుతోందని అన్నారు.

* రైతుల రుణాలను రీషెడ్యూల్ చేస్తున్నట్టు టీడీపీ పార్టీ చెబుతోందని... అలాచేస్తే రైతులకు దాదాపు రూ.6 కోట్లమేర భారం పడే ప్రమాదముందని ఆయన హెచ్చరికలు జారీ చేశారు.

* ఒకవేళ రీషెడ్యూల్ చేస్తే... ఈసారి రైతులకు రుణాలు ఇవ్వడానికి బ్యాంకుల దగ్గర అంత డబ్బు ఎక్కడుందని ప్రశ్నించారు.

* ఈ మొత్తం వ్యవహారం చూస్తుంటే... టీడీపీ పార్టీ కేవలం అధికారంలోకి రావడానికి మాత్రమే అబద్ధాలు చెప్పిందని ఆయన అభిప్రాయపడ్డారు.

AS