మరికోన్ని గంటలే.. అమెజాన్ గ్రేట్ ఇండియన్ సేల్

Posted: 08/08/2017 07:58 PM IST

మంచి తరుణం మించిన దోరకదు.. అలసిస్తే అశాభంగం తప్పదు.. ఈ డైలాగ్ వినగానే సత్యహరిశ్చంధ్ర సినిమా గుర్తుకు వచ్చినా.. ఆ మాటలకు ఏమాత్రం తీసిపోకుండా ఈ కామర్స్ సంస్థలు ఇప్పుడు ప్రకటనలపై ప్రకటనలు గుప్పిస్తూ.. కస్టమర్లను అకట్టుకుంటున్నాయి. ఈ కామర్స్ దిగ్గజ సంస్థ అమెజాన్‌ తన గ్రేట్ ఇండియన్ సేల్ ను మరికొన్ని గంటల్లో ప్రారంభించనున్న నేపథ్యంలో ఏ వస్తువును బుక్ చేసుకుందామా.. ? అని కస్టమర్లు కూడా రెడీగా వున్నారు. రేపట్నించి ఆగస్టు 12 వరకు నాలుగు రోజుల పాటు ఈ గ్రేట్ ఇ:డియన్ సేల్ ను అమెజాన్ నిర్వహించనుంది.

ఈ గ్రేట్ ఇండియన్ సేల్ సందర్భంగా అమెజాన్ ఆఫర్ చేయనున్న డిస్కౌంట్లు అప్పుడే బయటకు వచ్చేశాయి. పలు బ్రాండ్లపై డిస్కౌంట్లతో పాటు స్టేట్ బ్యాంకు ఆఫ్ ఇండియా డెబిట్‌, క్రెడిట్ కార్డు హోల్డర్స్ కు అదనపు క్యాష్ బ్యాక్ లను అందించనున్నట్టు అమెజాన్ చెప్పింది. మొబైల్‌ ఫోన్లు, యాక్ససరీస్ పై 40 శాతం వరకు, ఎలక్ట్రానిక్స్ పై 50 శాతం వరకు డిస్కౌంట్లను ఆఫర్ చేయనున్నట్టు ఆ సంస్థ ప్రకటించింది. అమెజాన్‌ ఎక్స్ క్లూజివ్ బ్రాండ్లపైనా గ్రేట్ ఇండియన్ సేల్లో డిస్కౌంట్లను ఆఫర్ చేయనుంది ఈ కంపెనీ.

వన్ ప్లస్ స్మార్ట్ ఫోన్లపై 2000 రూపాయల వరకు రాయితీ, ఎంపిక చేసిన మోటోరోలా మొబైల్‌ ఫోన్లపై 5000 రూపాయల వరకు, ఆపిల్ స్మార్ట్ ఫోన్లపై 35 శాతం వరకు రాయితీని అందించనుంది అమెజాన్. ఎల్జీ జీ6 స్మార్ట్ ఫోన్ పై 31 శాతం వరకు తగ్గింపును అందించనుంది. అంతేకాక ఈ ఫోన్‌పై ఎక్స్చేంజ్‌ ఆఫర్‌ కింద 19,470 రూపాయల వరకు తగ్గింపు ఇవ్వనుంది. అసలు ఈ ఫోన్‌ ధర 55 వేల రూపాయలు.

అదేవిధంగా వన్‌ ప్లస్‌ 3టీ స్మార్ట్ ఫోన్ ను రూ.2000 డిస్కౌంట్‌తో రూ.27,999కి విక్రయానికి ఉంచనున్నట్లు కూడా తెలిపింది. పాత ఫోన్లతో ఎక్స్చేంజ్‌ చేసుకునే వారికి ఎక్స్చేంజ్‌ ఆఫర్‌ కూడా ఉందని తెలిసింది. ఐఫోన్ ఎస్ఈ 64జీబీ స్టోరేజ్ వేరియంట్ పై ఏకంగా 43 శాతం డిస్కౌంట్ ను అందించనుంది. 49,999 రూపాయలు గల ఈ ఫోన్ ను 27,999 రూపాయలకే విక్రయిస్తుంది. ఎక్స్చేంజ్‌లో మరో 19,470 రూపాయల వరకు తగ్గింపు వస్తుంది.