దమ్ముంటే టీ ఇచ్చేయ్యండి-రెచ్చగొట్టిన బాబు - షర్మిల ఫైర్

Posted: 09/03/2013 10:12 AM IST

చంద్రబాబు నాయుడు తెలంగాణకు అనుకూలంగా లేఖ సమర్పించడానికి కూడా ఓ లెక్క ఉందని షర్మిల ఆరోపించారు. తొమ్మిదేళ్లు రాష్ట్రానికి ముఖ్యమంత్రిగా ఉన్న చంద్రబాబు తన హయాంలో హైదరాబాద్‌ చుట్టూ ఆస్తులను పెద్ద ఎత్తునే కూడగట్టారనీ, వాటి పరిరక్షణ కోసం సీమాంధ్రుల ప్రయోజనాలకు తాకట్టు పెట్టారని ఆరోపించారు. వైఎస్‌ఆర్‌సీపీ అధికారంలోకి వస్తే అవినీతి బండారాన్ని బయటపెడుతుందని తన ఆస్తులను కాపాడుకోవడానికి రాష్ట్ర విభజనపై లేఖ ఇచ్చారని ఆరోపించారు. కమిటీలను, కాంగ్రెస్‌ పార్టీని దమ్ముంటే తెలంగాణ ఇచ్చేయండంటూ పదేపదే రెచ్చగొట్టాడని తెలిపారు. సీమాంధ్రలో ఎగిసిన ఉద్యమ జ్వాలలను చూసి జడుసుకుని ఆత్మగౌరవ యాత్ర పేరుతో ముందుకు వచ్చారన్నారు. అయితే ఆయన వెన్నుపోటు ఆత్మకు, అభిమానం, గౌరవం కూడా ఉన్నాయా అని ఎద్దేవా చేశారు. ప్రతిపక్ష నాయకుడుగా పాలకపక్షంతో కుమ్మక్కై అడుగడుగునా ప్రభుత్వాన్ని కాపాడుతున్నది చంద్రబాబు కాదా అని ప్రశ్నించారు. తెలుగుదేశం పార్టీ ఎమ్మెల్యేలు స్పీకర్‌ పార్మాట్‌లో రాజీనామా చేసి ఎందుకు సంక్షోభం సృష్టించరని ప్రశ్నించారు. వైఎస్‌ కనుక బతికి ఉంటే రాష్ట్రానికి ఈ గతి పట్టేది కాదన్నారు