కొత్త సంత్సరానికి భక్తులకు కండిషన్లు

Posted: 12/26/2013 08:56 PM IST

మరి కొన్ని రోజుల్లో కొత్త సంవత్సరం రాబోతుంది. ఆ రోజు కలియుగ దైవం అయిన ఏడుకొండల వాడిని దర్శించుకోవడానికి వచ్చే భక్తులకు టీటీడీ కండీషన్లు పెట్టింది. కొత్త సంవత్సరం రోజున తిరుమల శ్రీనివాసుని దర్శించుకునేందుకు వచ్చే భక్తులు, వీఐపీ దర్శనానికి వచ్చే భక్తులు సంప్రదాయ దుస్తుల్లోనే రావాలని తిరుమల తిరుపతి దేవస్థానం స్పష్టం చేసింది.

కాగా, జనవరి 1 సందర్భంగా సర్వదర్శనం భక్తులకు డిసెంబర్ 31 సాయంత్రం 5 గంటల నుంచి క్యూలైన్‌లోకి అనుమతిస్తున్నట్లు టీటీడీ తెలిపింది. అదేరోజు నడక దారి భక్తులకు మధ్యాహ్నం 2 గంటల నుంచి అనుమతి ఇవ్వనున్నామని అయితే, వీరికి 25 వేల కూపన్లు మాత్రమే జారీ చేస్తామని చెప్పింది. జనవరి ఒకటిన రూ.300ల దర్శనం టికెట్ల విక్రయాన్ని నిలిపివేస్తున్నట్లు వివరించింది. ఇదేరోజు అన్ని ఆర్జిత సేవలు రద్దు చేస్తున్నట్లు తెలిపింది.