Posted: 04/04/2013 11:03 AM IST

తిరుచానూరు శ్రీ పద్మావతీ అమ్మవారి  ఆలయం  వంద కోట్లతో నిర్మించనున్నారు.   ప్రముఖ పుణ్యక్షేత్రం  తిరుచానూరును మరింత అభివ్రుద్ది  చేసేందుకు  తిరుమల తిరుపతి దేవస్థానం  నడుంబిగించింది.   తిరుమల శ్రీవేంకేటేశ్వర స్వామి తర్వాత  అదే తరహాలో  తిరుచానూరు శ్రీపద్మావతీదేవిని  దర్శనానికి  పెద్ద సంఖ్యలో  భక్తులు  తరలివస్తున్నారు.  భవిష్యత్తులో  రద్దీ  భారీగా పెరిగే  అవకాశం ఉండటంతో  ఆలయ పరిసర ప్రాంతాలపై  తిరుమల తిరుపతి దేవస్థానం  ప్రత్యేక  ద్రుష్టి సారించింది.  ఇందుకోసం రెండో విడద  మాస్టర్ ప్లాన్ ను త్వరలో అమలు చేయనున్నారు.  

ప్రధానంగా  చేపట్టిన కార్యచరణ  పనులు : 

1. అమ్మవారి  నిత్యాన్నదానంలో  ప్రస్తుతం  రోజుకు  మూడు వేలమందికి అన్నదానం చేస్తున్నారు.  రానున్న రెండేళ్లలో  దాన్ని 15వేలకు పెంచేందుకు సన్నాహాలు చేస్తున్నారు.  తిరుమల తరహాలో ఉదయం నుంచి రాత్రి వరకు నిరంతరం భక్తులకు భోజనం.

3. స్థానిక ఆలయాల్లో  మంచి నీటి కొరత తీర్చేందుకు  ప్రత్యేక చర్యలు తీసుకోనున్నారు.

4. సద్మసరోవరంలో  బ్రాస్ గ్రిల్స్  ఏర్పాటు  చేయనున్నారు.  నీటిని శుభ్రం చేసే యంత్రాలను ఆధునీకరించనున్నారు.

5. తిరుమలలో ఉన్న విధంగా దాతల కోసం ప్రత్యేక సెల్ ను ఏర్పాటు  చేయనున్నారు. అమ్మవారికి విరాళాలు ఇచ్చే దాతలకు ప్రత్యేక  సదుపాయాలు కల్పించనున్నారు.

6. శ్రీ పద్మావతీదేవి ఆభరణాలను  భవిష్యత్తులో  ప్రదర్శించేందుకు  వీలుగా ఓ భవన నిర్మాణం చేయనున్నారు.

7. అమ్మవారి  రూపం స్పష్టంగా కనిపించేందుకు  గర్బాలయంలో కొత్తగా  ర్యాంప్ లు ఏర్పాటు  చేయనున్నారు.  ఇందుకు  సంబంధించిన  పనులు  ఇప్పటికే శరవేగంగా సాగుతున్నాయి.