చపాతీలో దాగివున్న ఆరోగ్య ప్రయోజనాలు

Posted: 11/12/2015 01:17 PM IST

ఉదయం బ్రేక్ ఫాస్టులో చపాతీ తీసుకుంటే ఆరోగ్యానికి ఎంతో శ్రేయస్కరమని ఆరోగ్య నిపుణులు చెబుతున్నారు. ఇటీవల జరిపిన పరిశోధనల్లో భాగంగా.. ఉదయాన్నే చపాతీ తింటే ఆ రోజంతా ఫ్రెష్ గా, ఆరోగ్యంగా వుండటంతోపాటు అన్ని కార్యకలాపాల్లో చురుకుగా పాల్గొంటారని వెల్లడైంది. అందుకే.. వాటిని రెగ్యులర్ గా తీసుకోవాల్సిందిగా వారు సూచిస్తున్నారు. ఇంతకీ చపాతీలో ఎటువంటి ప్రయోజనాలు దాగివున్నాయో తెలుసుకుందామా...

చపాతీలు తినడం వల్ల శరీరానికి అందే కొవ్వు పదార్థాల స్థాయిలు తక్కువ మోతాదులో వుంటాయి. తద్వారా గుండె సంబంధిత వ్యాధులు తగ్గుముఖం పడతాయి. గోధుమల్లో విటమిన్ బి,ఈ పుష్కలంగా వుంటాయి. అంతేకాదు.. శరీరానికి కావలసిన కాపర్, అయోడైడ్, జింక్, మాగ్నస్, సిలికాన్, ఆర్సెనిక్, క్లోరిన్, సల్ఫర్, పొటాషియం, మేగ్నిషియం, కాల్షియం, మినరల్ సాల్ట్ వంటి పోషకాలు వుంటాయి. ఇవి రోజంతా ఉత్తేజంగా, ఆరోగ్యంగా వుంచడంలో దోహదపడుతాయి. గోధుమల ద్వారా చేసిన చపాతీ తినటం వలన చర్మ ఆరోగ్యం కూడా మెరుగుపడుతుంది. రైస్ తో పోల్చుకుంటే గోధుమలతో చేసిన చపాతీలు త్వరగా, సులభంగా జీర్ణం చెందించబడతాయి. గోధుమలు ఆరోగ్యకరమైన కార్బోహైడ్రేట్లను పుష్కలంగా కలిగి ఉంటాయి. వీటి వలన శరీరానికి కావలసిన శక్తి వస్తుంది.

చపాతీలో ఐరన్ మూలకం ఎక్కువపాళ్ళలో ఉంటుంది. దీంతో హిమగ్లోబిన్ శాతం పెరుగుతుంది. రక్తహీనత తగ్గుతుంది. చపాతీ తినటం వలన శరీరానికి తక్కువ క్యాలోరీలు అందించబడతాయి. బటర్ లేదా ఆయిల్ లేని చపాతీల నుండి చాలా తక్కువ మొత్తంలో క్యాలోరీలు అందిస్తాయి.  ఫైబర్ లను అధికంగా కలిగి ఉండే చపాతీల వలన జీర్ణం శక్తి పెరుగుతుంది. మలబద్ధకం దానంతట అదే తగ్గుతుంది. ఫైబర్, సెలీనియంలను కలిగి ఉండడం వల్ల చపాతీలు క్యాన్సర్ వ్యాధిని నివారిస్తాయని పరిశోధనలలో కనుగొనబడింది. ఇన్ని ప్రయోజనాలు చపాతీలో దాగి వున్నాయి కాబట్టి.. వాటిని రెగ్యులర్ గా తీసుకోవాల్సిందిగా నిపుణులు సలహా ఇస్తున్నారు.