Posted: 03/03/2012 01:05 PM IST

‘ప్రేమఖైదీ’తో తెలుగు వారికి పరిచయమైన కేరళ కుట్టి అమలాపాల్. అటు పై నాగచైతన్య ‘బెజవాడ’లో నవతరం అమ్మాయిని ప్రతిబింబించింది. కాలేజీకెళ్లే అమ్మాయిగా, రౌడీ చైతూని లవ్వాడే డేరింగ్ గాళ్ గా చక్కని అభినయంతో ఆకట్టుకుంది. సిద్దార్థ్ ‘లవ్ ఫెయిల్యూర్’తో మరోసారి కుర్రకారు గుండెల్లో గూడు కట్టుకుంది. తమిళంలో... వెట్టె, ముప్పోజేధుమ్ ఉన్ కార్షనైగల్, కాదలి పోదప్పువాల్ వంటి హిట్ లతో నటించి కెరీర్ లో దూసుకెళుతోంది. ఈ నేపథ్యంలో ఈ కుట్టి చెప్పిన ముచ్చట్లు.

మీ జన్మస్థలం ?

కోచ్చి

నటిగా మీ ప్లస్ పాయింట్స్ ?

అది మీరే చెప్పాలి. నా అభిప్రాయం ప్రకారం నా ఆత్మవిశ్వాసం, దేవుడి పై నమ్మకం

చిత్రసీమలో ఒత్తిడి నుండి తప్పించుకోవడానికి కథానాయికలు ఎలా సిద్ధం అవ్వాలి ?

టెన్షన్ పెట్టే వ్యక్తుల నుండి దూరంగా ఉంటే సరి. ఇప్పటి దాకా నేనైతే చాలా సంతోషంగా ఉన్నాను.

‘మైనా’ చూసిన తరువాత ‘వెట్టె’లో అంత బబ్లీగా కనిపిస్తారనుకోలేదు. ఇలా కనిపించడానికి కారణం ?

ఒక కథవిన్నప్పుడు అది నేను చేయగలనా.. ? లేదా అని ఆలోచిస్తాను. వెట్టై విషయంలో నా పాత్ర ఛాలెంజింగ్ గా అనిపించింది. ప్రయోగం నాకు అలవాటే... నాకు వైవిధ్యమైన పాత్రలు చేయాలని ఉంది.

హీరో ఆర్యను ప్రేమిస్తున్నట్లు ఉన్నారు ?

నో

మీ డ్రీమ్ బాయ్ ఎలా ఉండాలి ?

ఇతరుల కన్నా వైవిధ్యంగా ఉండాలి. మంచి వ్యక్తిత్వం ఉంటే చాలు. అయినా ఓ పది సంవత్సరాల వరకు నేను పెళ్ళి గురించి ఆలోచించాలనుకోవట్లేదు.

ఇప్పుడు మీరు చాలా స్వేచ్చగా... ఆత్మవిశ్వాసంతో మాట్లాడుతున్నారు. మీ కెరీర్ మంచి ఊపుడో ఉండటమే కారణమా ?

జయాపజయాలు.. నన్ను... నా వ్యక్తిత్వాన్ని మార్చలేవు. నేనెప్పుడు ఒకేలా ఉంటాను.

మిమ్మల్ని పారు అనవచ్చా ? నాకు మిమ్మల్ని పారు అనాలని ఉంది. మీకు ఆవకాశం ఉంటే ఎవరితో నటించాలనుకుంటున్నారు ?

దేవదాస్ నన్ను పారు అని పిలుస్తున్నట్లు ఉంది. నాకు అవకాశం వస్తే బాలీవుడ్ షెహంషా అమితాబ్ తో నటించాలని అనుకుంటున్నాను.

ఒక ఎడారిలో వదిలేస్తే మీరు తీసుకెళ్లే మూడు వస్తువులేంటి ?

ఆహారం, నీరు... సన్ గ్లాసెస్.

మీ సౌందర్య రహస్యం ?

ఎప్పుడూ సంతోషంగా ఉండటమే

మీ రోల్ మోడల్ ?

నాకు రోల్ మోడల: అంటూ ఎవరూ లేరు. అయినా నేను రోల్ మోడల్ గా తీసుకునే హీరోయిన్ ఇటీవల ఎవరూ కనిపించలేదు.