చిరు-సూరి 151 ... ఆ కథతోనేనా?

Posted: 01/25/2017 11:37 AM IST

Surender to direct chiru uyyalawada narasimha reddy

చిరు కెరీర్ లో 150 సినిమాలు దిగ్విజయంగా పూర్తయినప్పటికీ, తాను కలల ప్రాజెక్టుగా మాత్రం ఉయ్యాలవాడ నరసింహ రెడ్డినే చెప్పుకుంటుంటాడు. నిజానికి పదేళ్ల క్రితమే ఈ సినిమా రావాల్సి ఉండగా, విశ్రాంతి కారణంగా వాయిదా పడింది. తిరిగి రీఎంట్రీలో ల్యాండ్ మార్క్ చిత్రం అదే కావాలని అభిమానులతోపాటు ఆయన కూడా కోరుకున్నాడు. కానీ, సమయం సరిపోకపోవటంతో కత్తి రీమేక్ తో సర్దిపెట్టాల్సి వచ్చింది.

ఇక ఇప్పుడు మళ్లీ ఆ ప్రాజెక్టును దుమ్ము దులిపే పనిలో పడ్డాడు మెగాస్టార్. స్టార్ రైటర్లు పరచూరి బ్రదర్స్ ఇప్పటికే స్క్రిప్ట్ వర్క్ పూర్తి చేయగా, చిరు కూడా దానికి అంగీకారం చెప్పేశాడంట. ఎటోచ్చి ఇప్పుడు దర్శకుడి గురించే వేట కొనసాగుతుండగా, అనూహ్యంగా సురేందర్ రెడ్డి పేరు వార్తల్లో వినిపిస్తోంది. చిరుతో ఓ సినిమా తీయబోతున్నాడని చెప్పుకుంటున్నప్పటికీ, అది ఇదేనా కాదా? అన్నది ఇప్పుడు ఫిల్మ్ నగర్ లో చర్చకు దారితీసింది.

Chiru Surender Reddy Movie

అయితే యాక్షన్, కమర్షియల్ ఎంటర్ టైనర్ లను స్టైలిష్ గా తెరకెక్కించే సురేందర్ రెడ్డి చేతిలో ఇలాంటి హిస్టారికల్ ప్రాజెక్టు పెట్టడం అన్నది ఎంత వరకు సమంజసం అన్నదే ఇక్కడ అభిమానులను తొలిచి వేస్తున్న అనుమానం. ఒక పవర్ ఫుల్ వ్యక్తికి సంబంధించిన గాథ, పైగా హిస్టారికల్ కావటంతో పొరపాట్లు దొర్లితే మొదటి కే మోసం వచ్చే అవకాశం ఉందని వారంటున్నారు. దీంతో చిరు పునరాలోచనలో పడ్డాడని టాక్. ఏదీ ఏమైనా ఏప్రిల్ లో మొదలు పెట్టి వచ్చే సమ్మర్ లో రిలీజ్ చేయాలని మెగాస్టార్ కృత నిశ్చయంతో ఉన్నాడని టాక్.