అమ్మడికి ఆఖరి ఛాన్స్...!

Posted: 06/10/2016 01:34 PM IST

టాలీవుడ్ లో ఎప్పటికప్పుడు కొత్త హీరోయిన్స్ వస్తూనే ఉంటారు పోతూనే ఉంటారు. అయితే, కొన్ని సంవత్సారాలు మాత్రమే కొంతమంది హీరోయిన్స్ తమ సత్తాని చాటుతుంటారు. అందులోనూ దశాబ్దకాలంగా అగ్రహీరోయిన్ గా కొనసాగిన నటీమణులు చాలా అరుదుగా కనిపిస్తుంటారు. అందులో ముఖ్యంగా కాజల్ అగర్వాల్ తనదైన గ్లామర్ తో గత పదిసంవత్సరాల నుంచి ఇటు టాలీవుడ్ లోనూ, అటు కోలీవుడ్ లోను తన అందంతో, అభినయంతో నిలదొక్కుకుంది.

ఇటీవలే కాజల్ సూపర్ స్టార్స్ అయిన మహేష్ బాబు, పవన్ కళ్యాణ్ లతో కూడ నటించి అగ్రహీరోయిన్ జాబితాలోకి చేరిపోయింది. ఇక్కడే అసలు సమస్య మొదలైంది. ఇప్పుడు అమ్మడి చేతిలో ఒక్క తెలుగు సినిమా కూడ లేకపోవడంతో ఇక అమ్మడికి ఆఖరి ఛాన్స్ అంటున్నారు సినీ విశ్లేషకులు.

ఇటీవలే బాలీవుడ్ లో యాక్ట్ చేసిన దోలబ్జోన్ కీ కహాని సినిమాతో అమ్మడు తన అదృష్టాన్ని బాలీవుడ్ లో పరీక్షించుకోనుంది. ఈ సినిమా హిట్ అయితే బాలీవుడ్ లో మరో రెండు మూడు ఆఫర్లు రావడం ఖాయంగానే కనిపిస్తోంది. కానీ, తెలుగులో మాత్రం బ్రహ్మోత్సవం సినిమా తర్వాత ఎటువంటి సినిమాకి సైన్ చేయలేదు ఈ ముద్దుగుమ్మ. తమిళంలో గరుడ అనే సినిమా, కవలాల్ వేందం అనే సినిమాలు తప్ప చేతిలో ఎటువంటి సినిమా లేదు.

డైరెక్టర్ తేజ పరిచయం చేసిన నటిగా మంచి గుర్తింపు తెచ్చుకున్న కాజల్ ఇప్పుడు మళ్లీ తేజ తెలుగులో తీయబోతున్న ఒక సినిమాలో నటించబోతుందని మాత్రమే చెబుతున్నారు. కానీ, దానికి సంబంధించిన న్యూస్ మాత్రం వినిపించడం లేదు. కాజల్ గతేడాది కూడ జూనియర్ ఎన్టీఆర్ సరసన టెంపర్ సినిమాలో మాత్రమే నటించింది.

ఈ సంవత్సరం టాప్ హీరోలతో చేసిన ఈ అమ్మడికి చేతిలో సినిమాలు ఎందుకు లేవు ? ఇక కాజల్ పని అయిపోయినట్లేనా అని అనుమానాలు వ్యక్తం అవుతున్నాయి. ఈ నేపథ్యంలో ఇక అమ్మడికి ఆఖరి ఛాన్స్ అదీ కెరియర్ ని నిలబెట్టుకునే ఛాన్స్ ఎక్కడినుంచి వస్తుందో అని ఆసక్తిగా ఎదురుచూస్తున్నారు.

- మూర్తి