'అ-ఆ' తర్వాత అదేనా...!

Posted: 06/01/2016 01:35 PM IST

మాటల మాంత్రికుడు త్రివిక్రమ్ ప్రస్తుతం నితిన్ సమంతలు జంటగా "అ...ఆ" చిత్రాన్ని రూపొందించి విడుదలకు సిద్ధంగా ఉంచాడు. అయితే, ఈ చిత్రం తర్వాత త్రివిక్రమ్ ఎవరితో సినిమా చేయనున్నాడనేది ఇప్పుడు అంతటా ఆసక్తి కరంగా మారింది. ఈ విషయంపై అ...ఆ చిత్ర నిర్మాత ఎస్ రాధా కృష్ణను అడిగితే త్రివిక్రమ్ మనసులో మాటను బయటపెట్టాడు.

త్రివిక్రమ్ తదుపరి చిత్రం ఎవరితో చేసినప్పటికీ దానికి మాత్రం తనే నిర్మాతగా వ్యవహరిస్తానని తేల్చి చెప్పేశాడు. ప్రస్తుతానికైతే పవన్ కు ఓ కథ వినిపించామని,  అయన ఒకే అంటారా లేదా అనేది ఇంకా తెలియాల్సి ఉందని చెప్పారు. నాకు అయితే ప్రస్తుతం అల్లు అర్జున్ తో త్రివిక్రమ్ సినిమా చేస్తే బాగుంటుందని, ఎందుకంటే బన్నీ స్పీడ్ గా సినిమా చేస్తాడని , మంచి కిక్ ఉంటుందని అంటున్నాడు ఈ నిర్మాత.

కానీ, ఫిలిం నగర్ లో మాత్రం ఆల్ రెడీ త్రివిక్రమ్ శ్రీనివాస్ తమిళ హీరో సూర్యకి ఒక కధ వినిపించాడని, హీరో సూర్య కూడ సింగం 3 సినిమా అవ్వగానే త్రివిక్రమ్ కి డేట్స్ ఇచ్చేందుకు సిద్ధంగా ఉన్నాడని, ఈ సినిమాని త్రివిక్రమ్ , సూర్యలు తమ సొంత బ్యానర్ లో కంబైన్డ్ గా తెరకెక్కించే పనిలో ఉన్నారని మాత్రం చెప్తున్నారు. ఇక, త్రివిక్రమ్ తన తర్వాత స్టెప్ ఎటువైపు వేస్తాడో తెలియాలంటే మరిన్ని రోజులు ఆగాల్సిందే.