సినీ తారలను వీడని ప్రమాదాలు

Posted: 01/30/2014 09:14 AM IST

మహేష్ బాబు తో నాని సినిమాలో నటించిన అమిషా పటేల్ బుధవారం షూటింగ్ సమయంలో ప్రమాదానికి గురయ్యారు.  

విలన్ నుంచి తప్పించుకుని పోయే సన్నివేశంలో మెట్ల మీది నుంచి గబగబా దిగవలసిన దృశ్యాన్ని చిత్రీకరిస్తుండగా ఆమె తరుముకుంటూ వస్తున్న నటుడు మెట్ల మీది నుంచి జారి పడుతూ వెంట అమిషా పటేల్ ను కూడా పట్టుకునేసరికి ఆమె కిందికి జారి పడింది.  దానితో ఆమెకు చేతులకు కాళ్ళకు బలమైన గాయాలయ్యాయి.  

సెట్ లోకి వచ్చి పరిశీలించిన డాక్టరు గాయాలు బలంగానే తగిలాయని, విశ్రాంతి అవసరమని చెప్పారు.  అమిషా పటేల్ పవన్ కళ్యాణ్ తో బద్రిలో కూడా నటించారు.  
అమిషా పటేల్ తన ట్విట్టర్లో తను బాగానే ఉన్నానని, కొద్దిపాటి విశ్రాంతి తర్వాత తిరిగి సినిమా షూటింగ్ లో పాల్గొంటానని రాసారు.  

వరుసగా జరుగుతున్న ప్రమాదాలతో సినీ పరిశ్రమ బెంబేలు పడుతోంది.  తాజాగా అర్షద్ వార్సీ కి కూడా షూటింగ్ సమయంలో ప్రమాదం జరిగింది. 

ఇంతకు ముందు భాగం కోసం క్లిక్ చెయ్యండి

-శ్రీజ