Posted: 03/07/2012 01:33 PM IST

నటి జయప్రద ఎస్పీ అభ్యర్థి అజంఖాన్ ను ఓడించాటానికి ప్రచారంలోకి దిగింది. అమర్ సింగ్ జయప్రదలు కలిసి .. ఆజంఖాన్ కు వ్యతిరేక ప్రచారం చేశారు. ఒకనొక సమయంలో .. జయప్రద .. ఆజంఖాన్ పై చేస్తున్న ప్రచారం .. కన్నీళ్లు పెట్టుకొని మరి ప్రచారం చేసింది. ఎస్పీ అభ్యర్థికి ఓటు వేయకండి అని ప్రజలను కోరింది. వీరు చేసిన ప్రచారం ఏమో గానీ .. చివరకు ఫలితం మాత్రం.. చాలా దారుణంగా వచ్చింది. ఎవరు ఊహించని విధంగా .. అమర్ జయలకు ఆజంఖాన్ .. షాక్ ఇచ్చాడు. ఆషాక్ కు నటి జయప్రద , అమర్ సింగ్ లు వారి జాడలేకుండా పోయిందని రాంపూర్ అసెంబ్లీ ప్రజలు అంటున్నారు.

యూపీ ఎన్నికల్లో ఎంపీ, నటి జయప్రద వ్యూహం ఫలించలేదు. రాంపూర్ లోక్‌సభ తరహాలోనే రాంపూర్ అసెంబ్లీ స్థానంలోనూ ఎస్పీ అభ్యర్థి ఆజంఖాన్‌ను ఓడించడానికి ఆమె చేసిన ప్రయత్నాలు ఫలించలేదు. ఓటర్లు ఎస్పీ అభ్యర్థి ఆజంఖాన్‌కు భారీ మెజార్టీని కట్టబెట్టారు. జయప్రద మద్దతుతో బరిలోకి దిగిన రాష్ట్రీయ లోక్‌మంచ్ అభ్యర్థి రేష్మాబీ డిపాజిట్ గల్లంతైనట్టు తెలుస్తోంది. రాంపూర్ అసెంబ్లీ స్థానంలో ఎస్పీ అభ్యర్థి ఆజంఖాన్ సత్తా చాటుకున్నారు.

కాంగ్రెస్ అభ్యర్థి డాక్టర్ తన్వీర్ అహ్మద్ ఖాన్‌పై 63,269 ఓట్ల మెజార్టీతో ఆజంఖాన్ గెలుపొందారు. రాంపూర్ అసెంబ్లీ ఎన్నికల ఫలితాలు జయప్రద ఆధిపత్యానికి చెక్ పెట్టేవిధంగా ఉన్నట్టు తెలుస్తోంది. 2009 లోక్‌సభ ఎన్నికల్లో రాంపూర్ నుంచి ఎస్పీ అభ్యర్థిగా బరిలోకి దిగిన జయప్రద.. ఆపార్టీ రెబల్ అభ్యర్థి ఆజంఖాన్‌పై గెలుపొంది సంచలనం సృష్టించారు.